Цаг агаар:

Өнгөрсөн хоногт: Архангай аймгийн 4 суманд 0.2 мм, Сэлэнгэ аймгийн 1 суманд 0.4 мм бороо орсон. Бусад нутгаар цаг агаар тогтуун байлаа.

  Өнөөдөр: Ихэнх нутгаар солигдмол үүлтэй. 08-ны өдөр Хөвсгөл, Төв, Хэнтий, Дорнодын хойд, Сэлэнгийн зарим сумдын нутгаар 0.0-3.0 мм хур тунадас орно. Бусад нутгаар хур тунадас орохгүй. Салхи нутгийн баруун хагаст баруун өмнөөс хойш эргэж, бусад нутгаар баруун өмнөөс секундэд 5-10 метр, Алтайн уулархаг нутаг, говь, тал, хээрийн нутгаар секундэд 12-14 метр хүрч ширүүснэ. Нутгийн баруун хэсгээр бага зэрэг сэрүүсэж, Увс нуурын хотгор, Монгол-Алтай, Хангай, Хөвсгөлийн уулархаг нутаг, Идэр, Тэс голын хөндий, Завхан, Заг-Байдраг голын эхээр +4...+9 градус, говийн бүс нутгийн баруун болон хойд хэсэг, Хэрлэн голын хөндий, Дарьгангын тал нутгаар +15...+20 градус, говийн бүс нутгийн зүүн өмнөд хэсгээр +21...+26 градус, бусад нутгаар +11…+16 градус дулаан байна.

  Улаанбаатар хотод:  Үүлшинэ, бороо орохгүй, салхи баруун өмнөөс хойш эргэж секундэд 5-10 метр, өдөртөө +15...+17 градус дулаан байна.

   Төлөв байдал: 08-нд Хөвсгөл, Хэнтийн уулархаг нутаг, Хэрлэн, Онон, Улз голын хөндийгөөр, 09-нд баруун аймгуудын нутгийн зарим газраар, 10, 11-нд нутгийн хойд хэсгээр, 12-нд төвийн аймгуудын нутгийн зарим газраар, 13-нд төвийн аймгуудын нутгийн зүүн хэсэг, зүүн аймгуудын нутгийн зарим газраар бороо, нойтон цас орж, зөөлөн цасан шуурга шуурна. Салхи 07-09-нд Алтайн уулархаг нутгаар, 10,11-нд нутгийн зарим газраар, 12,13-нд говь, тал, хээрийн нутгаар түр зуур секундэд 16-18 метр хүрч ширүүснэ.   Агаарын температур 09-нийг хүртэл ихэнх нутгаар өдөртөө дулаарч, шөнөдөө Дархадын хотгор, Завхан, Заг, Байдраг голын эхээр -3...-8 градус, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр 0...-5 градус хүйтэн, говийн бүс нутгийн өмнөд хэсгээр +5...+10 градус дулаан, бусад нутгаар -1...+4 градус дулаан, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг, Идэр, Тэс, Туул, Тэрэлж голын хөндийгөөр +6...+11 градус, говийн бүс нутгийн хойд хэсгээр +16...+21 градус, говийн бүс нутгийн өмнөд хэсгээр +21...+26 градус, бусад нутгаар +13…+18 градус дулаан байна. 10-наас нутгийн хойд хэсгээр бага зэрэг сэрүүснэ.

Гал түймэр:

Төв аймаг, Батсүмбэр сум Мандал баг гэр шатаж байна гэсэн дуудлагыг 10.07-ны өдрийн 10:42 цагт хүлээн авсан.  Тус аймгийн Онцгой байдлын газрын Батсүмбэр сум дахь 84 дүгээр ангийн алба хаагчдыг очиход иргэн Д-ийн  5 ханатай гэр эд хогшлын хамт бүрэн шатаж байсныг ажиллаж унтраасан.

Ховд аймаг, Булган сум Далт баг байшин шатаж байна гэсэн дуудлагыг 10.07-ны өдрийн 12:30 цагт хүлээн авсан.  Тус аймгийн Онцгой байдлын газрын Булган сум дахь 38 дугаар ангийн алба хаагчдыг очиход иргэн А-ын 5х6 метрийн хэмжээтэй гал тогооны зориулалттай амбаар, гараашын дээвэр шатаж байсныг ажиллаж унтраасан. 

Улаанбаатар хот, Сонгинохайрхан дүүрэг 33 дугаар хороо байшин шатаж байна гэсэн дуудлагыг 10.07-ны өдрийн 18:28 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Д-ын 10х5 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Архангай аймаг, Эрдэнэбулган Наранбулаг баг байшин шатаж байна гэсэн дуудлагыг 10.08-ны өдрийн 01:53 цагт хүлээн авсан. Тус аймгийн Онцгой байдлын газрын 51 дүгээр ангийн алба хаагчдыг очиход иргэн Н-ийн 8х5 метрийн хэмжээтэй байшингийн дээвэр шатаж байсныг  ажиллаж унтраасан.

Ой, хээрийн түймэр - Хээрийн түймэр:

Дорнод аймаг, Чойбалсан сум Хөхнуур багийн "Авдар хараат" гэдэг газар /аймгийн төвөөс хойд зүгт 50 км-т, сумын төвөөс зүүн хойд зүгт 120 км-т/  хээрийн түймэр гарсан тухай дуудлагыг 10.07-ний өдрийн 11:25 цагт хүлээн авсан.  Тус аймгийн Онцгой байдлын газар, Чойбалсан сумын төвд хөдөлгөөн эргүүлийн үүрэг гүйцэтгэж байгаа Дундговь аймгийн Онцгой байдлын газар, хилийн цэргийн 0132 дугаар ангийн 5, 6 дугаар застав мөн 0132 дугаар анги, тус сумын мэргэжлийн анги, орон нутгийн  нийт 117 хүн, 9 автомашин, 1 трактортой хээрийн түймрийг унтраахаар ажиллаж 20:00 цагт цурманд оруулж 10.08-ны өдрийн 07:00 цагт бүрэн унтраасан.  

ОНЦГОЙ БАЙДЛЫН ЕРӨНХИЙ ГАЗАР