Цаг агаар:
Өнгөрсөн хоногт: Архангай аймгийн 15 суманд 0.2 мм, Баянхонгор аймгийн 19 суманд 2 мм, Булган аймгийн 16 суманд 14 см, Говь-Алтай аймгийн 9 суманд 4 мм, Дундговь аймгийн 12 суманд 1 мм, Завхан аймгийн 1 суманд 0.3 мм, Орхон аймгийн 2 суманд 5 см, Өвөрхангай аймгийн 17 суманд 0.1 мм, Өмнөговь аймгийн 12 суманд 4 мм, Увс аймгийн 1 суманд 0.7 мм, Ховд аймгийн 17 суманд 2 мм, Хөвсгөл аймгийн 3 суманд 1.3 см цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлшинэ. 15-16-нд шилжих шөнө Завхан, Говь-Алтай, Баянхонгор, Өвөрхангай, Өмнөговийн ихэнх, Архангай, Булган, Сэлэнгэ, Дорноговийн өмнөд, Дундговь, Төв аймгийн баруун сумдын нутгаар, 16-ны өдөр Хөвсгөлийн зарим, Говь-Алтай, Баянхонгор, Өмнөговийн хойд, Дорноговийн өмнөд, Завхан, Архангай, Өвөрхангай, Булган, Сэлэнгэ, Дундговь, Төв аймгийн ихэнх сумдын нутгаар 0.2-3.0 мм нойтон цас, цас орж, цасан шуурга шуурна. Бусад нутгаар цас орохгүй. Салхи нутгийн баруун хэсгээр баруун өмнөөс баруун хойш эргэж, бусад нутгаар баруун хойноос секундэд 4-9 метр, Алтайн уулархаг нутаг, Арц Богдын өвөр хоолойгоор секундэд 12-14 метр хүрч ширүүснэ. Агаарын температур өдөртөө Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Тэрэлж голын хөндийгөөр -8...-13 градус, Их нууруудын хотгор, говийн бүс нутгийн өмнөд хэсгээр +2...-3 градус, бусад нутгаар -3…-8 градус хүйтэн байна.
Улаанбаатар хотод: Үүлэрхэг. Шөнөдөө ялимгүй цас, өдөртөө цас орно. Салхи баруун өмнөөс секундэд 5-10 метр. Шөнөдөө Яармаг-Сонгины орчмоор -16...-18 градус, бусад хэсгээр -11...-13 градус, өдөртөө -6...-8 градус хүйтэн байна.
Төлөв байдал: 16-17-нд шилжих шөнө Төв, Дундговийн ихэнх, Баянхонгор, Өмнөговь, Дорноговийн хойд, Архангай, Өвөрхангай, Хэнтий, Булган, Сэлэнгэ, Дорнодын зарим сумдын нутгаар, 17-ны өдөр Сүхбаатар, Дорнодын ихэнх, Төв, Сэлэнгэ, Дундговийн зүүн, Хэнтий, Дорноговийн зарим сумдын нутгаар 0.0-6.0 мм, 18, 19-нд Сэлэнгэ, Хэнтийн хойд, Дорнодын зүүн сумдын нутгаар, 20-нд Сэлэнгийн зүүн сумдын нутгаар 0.0-2.0 мм цас орж, цасан шуурга шуурна. Салхи 17-нд говь, тал, хээрийн нутгаар, 18-нд тал, хээрийн нутгаар, 19, 20-нд нутгийн зүүн хэсгээр секундэд 15-17 метр хүрч ширүүснэ. Ихэнх нутгаар хүйтэрч, Шөнөдөө Дархадын хотгор, Завхан, Заг, Байдраг голын эхээр -27...-32 градус, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр -20...-25 градус, говийн бүс нутгийн өмнөд хэсгээр -6...-11 градус, бусад нутгаар -13...-18 градус хүйтэн, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг, Идэр, Тэс голын хөндийгөөр -13...-18 градус, говийн бүс нутгийн өмнөд хэсгээр -0...-5 градус, бусад нутгаар -7...-12 градус хүйтэн байна.
Гал түймэр:
Баянгол дүүргийн 20 дугаар хороо, Сонсголонгийн задгайд гэр шатаж байна гэсэн дуудлагыг 11.15-ны өдрийн 08:14 цагт хүлээн авсан. Тус дүүргийн Онцгой байдлын хэлтсийн 18 дугаар ангийн алба хаагчдыг очиход эзэмшигч тодорхойгүй 5 ханатай гэр шатаж байсныг ажиллаж унтраасан.
Баянзүрх дүүргийн 13 дугаар хороонд амбаар шатаж байна гэсэн дуудлагыг 11.15-ны өдрийн 13:21 цагт хүлээн авсан. Тус дүүргийн Онцгой байдлын хэлтсийн 63 дугаар ангийн алба хаагчдыг очиход иргэн Х-гийн 5 ханатай гэрийн баруун тал хайрагдаж, 3х2 метрийн хэмжээтэй амбаар бүрэн шатаж байсныг ажиллаж унтраасан.
Дорнод аймгийн Баянтүмэн сумын Хотонт багийн “Гуравны булаг” гэдэг газар /аймгийн төвөөс хойд зүгт 17 км/ автомашин шатаж байна гэсэн дуудлагыг 11.15-ны өдрийн 14:03 цагт хүлээн авсан. Тус аймгийн Онцгой байдлын газрын 52 дугаар ангийн алба хаагчдыг очиход иргэн Д-гийн “Toyota Prius-40” загварын суудлын автомашин шатаж байсныг ажиллаж унтраасан.
Дорнод аймгийн Баян-Уул сумын Өвөр-Эрээн багийн Хиагтын 303 тоот /аймгийн төвөөс хойд зүгт 225 км, сумын төвөөс баруун хойд зүгт 25 км/ байшин шатаж байна гэсэн дуудлагыг 11.15-ны өдрийн 21:13 цагт хүлээн авсан. Тус аймгийн Онцгой байдлын газрын Баян-Уул сум дахь 53 дугаар ангийн алба хаагчдыг очиход иргэн З-гийн 4х7 метрийн хэмжээтэй байшин шатаж байсныг ажиллаж унтраасан.
Ой, хээрийн түймэр:
Хээрийн түймэр: Дорнод аймгийн Матад сумын Буян-Өндөр багийн “Хонгорын-Овоо” гэдэг газар /аймгийн төвөөс зүүн урд зүгт 160 км, сумын төвөөс зүүн зүгт 130 км/ хээрийн гал түймэр гарсан тухай дуудлагыг 11.15-ны өдрийн 16:35 цагт хүлээн авсан. Хилийн цэргийн 0306 дугаар ангийн алба хаагчид, “Петро Чайна Дачин тамсаг” ХХК-ийн 19 дүгээр талбайн ажилтнууд, орон нутгийн иргэд хээрийн гал түймрийг унтраах ажиллагааг зохион байгуулан ажиллаж, 18:47 цагт бүрэн унтраасан. Урьдчилсан байдлаар хээрийн гал түймэрт 300 га талбай өртөж шатсан.
ОНЦГОЙ БАЙДЛЫН ЕРӨНХИЙ ГАЗАР
2026/11/16
Хоногийн мэдээАюулт үзэгдэл ослын нөхцөл байдлын мэдээ
2026/11/16
Шинэ мэдээУлсын нөөцийн удирдлага, эрх зүйн зохицуулалтыг боловсронгуй болгох, гамшгийн эрсдэлийг бууруулах, бэлэн байдлыг хангах зорилгоор тус хуулийн төслийг боловсруулж, 2026 оны аравдугаар сарын 23-нд Улсын Их Хуралд өргөн мэдүүлсэн юм.