Цаг агаар:

Өнгөрсөн хоногт: Нийт нутгаар цаг агаар тогтуун байсан.

Өнөөдөр: Ихэнх нутгаар багавтар үүлтэй. Нийт нутгаар цас орохгүй. Салхи ихэнх нутгаар баруун хойноос секундэд 4-9 метр. Дархадын хотгор, Завхан, Заг-Байдраг голын эх, Идэр, Тэс голын хөндийгөөр -2...-7 градус хүйтэн, Их нууруудын хотгор, Алтай, Хангай, Хөвсгөлийн уулархаг нутаг, Хүрэнбэлчир орчмоор 0...+5 градус, Хангайн нурууны өвөр бэл, Орхон, Хараа голын хөндий, говийн бүс нутгийн өмнөд хэсгээр +11...+16 градус, бусад нутгаар +5…+10 градус дулаан байна.

Улаанбаатар хотод: Багавтар үүлтэй. Цас орохгүй. Салхи баруунаас секундэд 5-10 метр. Өмнөх өдрөөсөө 6 градусаар дулаарч +8...+10 градус дулаан байна.

Төлөв байдал: 11-12-нд шилжих шөнө Баян-Өлгийн ихэнх, Увс, Ховдын зарим сумд, 12-ны өдөр Баян-Өлгий, Завханы ихэнх, Ховдын хойд, Увс, Хөвсгөлийн зарим сумдын нутгаар, 13-нд Баян-Өлгий, Увс, Хөвсгөл, Завхан, Ховдын ихэнх, Говь-Алтай, Баянхонгорын хойд, Архангай, Булганы зарим, Төв, Сэлэнгийн баруун сумдын нутгаар 0.1-7.0 мм, 14-нд Говь-Алтай, Баянхонгорын хойд, Завхан, Төв аймгийн өмнөд, Архангай, Өвөрхангай, Дундговь, Хэнтий, Дорнодын зарим сумдын нутгаар 0.0-2.0 мм цас орж, цасан шуурга шуурна. Салхи ихэнх хугацаанд секундэд 5-10 метр, 12-нд Алтайн уулсаар, 13-нд нутгийн өмнөд хэсгээр, 14-нд говь, талын нутгаар секундэд 14-16 метр хүрч ширүүснэ. Дархадын хотгор, Завхан, Заг, Байдраг голын эхээр -15...-20 градус, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр -9...-14 градус, говийн бүс нутгийн өмнөд хэсгээр +2...-3 градус, бусад нутгаар -3...-8 градус хүйтэн, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг, Идэр, Тэс голын хөндийгөөр +3...-2 градус хүйтэн, говийн бүс нутгийн өмнөд хэсгээр +10...+15 градус, бусад нутгаар +4…+9 градус дулаан байна. 13-нд нутгийн хойд хэсгээр, 14-нд ихэнх нутгаар хүйтэрнэ.

Гал түймэр:

Дорноговь аймгийн Замын-Үүд сумын Жаргалант 3 дугаар багт байшин шатаж байна гэсэн дуудлагыг 12:12 цагт хүлээн авсан. Тус аймгийн Онцгой байдлын газрын Замын-Үүд сум дахь 17 дугаар ангийн алба хаагчдыг очиход иргэн Б-гийн эзэмшлийн 9x10 хэмжээтэй байшингийн 5х3 хэмжээтэй үүдний амбаарын баруун хойд булан шатаж байсныг ажиллаж унтраасан.

Баянхонгор аймгийн Баянхонгор сумын Номгон 1 дүгээр багт өвс ачсан ачааны автомашин шатаж байна гэх дуудлагыг 14:25 цагт хүлээн авсан. Тус аймгийн Онцгой байдлын газрын 16 дугаар анги, Эрэн хайх, аврах бүлгийн алба хаагчдыг очиход Дорнод аймгаас Баянхонгор аймагт өвс буулгахаар ирсэн иргэн Г-гийн эзэмшлийн "Beiben North Benz" загварын автомашинд ачиж явсан 1600 ширхэг боодол өвсний 1568 ширхэг боодлын өвс, чиргүүлийн 20 ширхэг дугуй шатаж байсныг ажиллаж унтраасан.

Архангай аймгийн Тариат сумын Бөөрөлжүүт 5 дугаар багт гал гарч байна гэх дуудлагыг 19:11 цагт хүлээн авсан. Тус аймгийн Онцгой байдлын газрын Тариат сум дахь Эрэн хайх, аврах бүлэг, Мэргэжлийн ангийн алба хаагчдыг очиход иргэн Ч-гийн 14х13 хэмжээтэй байшингийн 4х8 хэмжээтэй галлагааны өрөөний дээврийн хэсэг шатаж байсныг ажиллаж унтраасан.

Хэнтий аймгийн Бор-Өндөр сумын “Бор-Өндөр” 1 дүгээр багт гал гарч байна гэсэн дуудлагыг 21:53 цагт хүлээн авсан. Тус аймгийн Онцгой байдлын газрын 49 дүгээр ангийн алба хаагчдыг очиход иргэн А-гийн эзэмшлийн байрны В1 давхарт цахилгааны утас, барилгын хог шатаж байсныг ажиллаж унтраасан. Уг гал түймэрт тодорхой оршин суух хаяггүй иргэн Х /48 настай, эрэгтэй, хөгжлийн бэрхшээлтэй/ угаартсан байсныг аюулгүй газар гаргаж, Бор-Өндөр сумын Нэгдсэн эмнэлгийн Түргэн тусламжийн тасагт хүлээлгэн өгсөн. 

Хан-Уул дүүргийн 8 дугаар хороонд байшин шатаж байна гэсэн дуудлагыг 11.10-ны өдрийн 00:39 цагт хүлээн авсан. Тус дүүргийн Онцгой байдлын хэлтсийн 30 дугаар ангийн алба хаагчдыг очиход иргэн П-гийн 5х7 метрийн хэмжээтэй байшингийн дээвэр хэсэг шатаж байсныг ажиллаж унтраасан.

Хан-Уул дүүргийн 7 дугаар хороонд гал гарч байна гэсэн дуудлагыг 11.10-ны өдрийн 01:15 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчдыг очиход иргэн Б-гийн хашаанд ил задгай хог шатаж байсныг ажиллаж унтраасан.

Дархан-Уул аймгийн Хонгор сумын 2 дугаар баг “Шийрийн бригад” гэдэг газар /аймгийн төвөөс зүүн урд зүгт 28 км, сумын төвөөс зүүн хойд зүгт 20 км/-т байшингийн дээвэр шатаж байна дуудлагыг 11.10-ны өдрийн 01:09 цагт хүлээн авсан. Тус аймгийн Онцгой байдлын газрын 22 дугаар ангийн алба хаагчдыг очиход иргэн Б-гийн эзэмшлийн 9х7 метрийн хэмжээтэй өвлийн байшингийн дээвэр болон гал тогооны хэсэг шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР