Монгол Улсын Ерөнхийлөгчийн Тамгын газрын дэд даргын баталсан удирдамжийн дагуу Батлан хамгаалахын ерөнхий хянан шалгагч бригадын генерал Ж.Болдбаатараар ахлуулсан ажлын хэсэг Онцгой байдлын ерөнхий газар, Дотоодын цэргийн штаб, Зэвсэгт хүчний Хуурай замын цэргийн командлалд ажиллаж байна.

Ажлын хэсэг Монгол Улсын Ерөнхийлөгчийн 2021 оны 136 дугаар зарлигаар батлагдсан “Цэргийн алба хаагчид цэргийн цол олгох журам”, Журамд өөрчлөлт оруулах тухай 2023 оны 142 дугаар зарлиг, Монгол Улсын Ерөнхийлөгчийн тамгын газрын даргын 2023 оны 12 дугаар сарын 18-ны өдөр өгсөн үүрэг, чиглэлийн хэрэгжилтийн байдалд 2 жил тутамд дүн шинжилгээ хийж, дүгнэлт гарган Ерөнхийлөгчийн тамгын газар танилцуулах юм.