ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг БНХАУ-аас Монгол Улсад суугаа Элчин сайдын яамны Батлан хамгаалахын атташе, ахлах хурандаа Жан ШюЛянтай  уулзлаа.

Уулзалтын үеэр талууд хоёр улсын хил орчмын нутаг дэвсгэрт гарсан хээрийн түймрийн нөхцөл байдлын талаар мэдээлэл солилцож, цаашдын хамтын ажиллагааны талаар санал солилцсон юм.  

Бригадын генерал Ц.Ганзориг тус улсын Элчин сайдын яамнаас Онцгой байдлын албаны хүний нөөцийн чадавхыг бэхжүүлэхэд дэмжлэг үзүүлж байгаад талархал илэрхийлж, цэргийн хэргийн академик болон богино хугацааны сургалтад алба хаагчдаа хамруулах боломж, цаашид сургах чиглэл, хэрэгцээ шаардлагыг танилцууллаа.

Ахлах хурандаа Жан ШюЛян Онцгой байдлын албаны алба хаагчдыг сургаж чадавхжуулах нь нэн чухал болохыг онцолж, цаашид хэрэгцээ шаардлагад нийцүүлэн дэмжлэг үзүүлэхээс гадна харилцаа, хамтын ажиллагааг өргөжүүлэн хөгжүүлэхээ илэрхийлсэн юм.