Баавгайтай холбоотой мэдээлэлд Монгол Улсын Засгийн газар, Улсын Онцгой комиссоос гарсан шийдвэрийн хүрээнд нийслэл, дүүргийн Онцгой комисс, Улаанбаатар хотын захирагчийн ажлын алба, Байгаль орчны газар, Цагдаагийн газар хамтран хариу арга хэмжээг шуурхай зохион байгуулан ажиллаж байна.

Баавгайн зургийг хиймэл оюун ухаан, фотошоп ашиглан суурьшлын бүсэд нэвтэрсэн байдлаар хийж, зургийг олон нийтийн сүлжээнд байршуулан, тусгай дугаарт худал дуудлага мэдээлэл өгсөн тохиолдлууд бүртгэгдсэн.

Иймд худал мэдээллийг олон нийтийн сүлжээнд түгээхгүй байх, мэргэжлийн байгууллагаас өгч буй заавар зөвлөмж, сэрэмжлүүлгийг хүлээн авч, худал дуудлага, мэдээллээр олон нийтийг төөрөгдүүлэхгүй байхыг анхаарна уу.