Хими, биологи, цацраг, цөмийн аюулын чиглэлээр хамтран ажиллах боломжийн талаар санал солилцлоо
Онцгой байдлын ерөнхий газрын тэргүүн дэд дарга бөгөөд штабын дарга, бригадын генерал Ц.Ганзориг АНУ-аас Монгол Улсад суугаа Элчин сайдын яамны Батлан хамгаалахын атташе, дэд хурандаа Жэй Маллоё болон АНУ-ын Батлан хамгаалах аюул заналыг бууруулах агентлагийн төлөөлөгчдийг хүлээн авч уулзлаа.
Уулзалтаар хими, биологи, цацраг, цөмийн аюул, эрсдэлийг бууруулах, түүнээс урьдчилан сэргийлэх, хариу арга хэмжээний чадавхыг бэхжүүлэх чиглэлээр цаашид хамтран ажиллах боломжийн талаар санал солилцов.
Талууд хими, биологи, цацраг, цөмийн аюулыг илрүүлэх, тодорхойлох, эрсдэлийг бууруулах чиглэлээр шаардлагатай багаж, тоног төхөөрөмж болон хувийн хамгаалах хэрэгслийг нийлүүлэх чиглэлээр хамтын ажиллагааг өргөжүүлэх боломжийн талаар хэлэлцлээ.
Мөн хамтарсан сургалт зохион байгуулж, сургагч багш бэлтгэснээр Онцгой байдлын байгууллагын бодит хэрэгцээ шаардлагыг тодорхойлон, хими, биологи, цацраг, цөмийн ослын үед ажиллах чадавхыг бэхжүүлэх нь чухал ач холбогдолтой болохыг онцлов.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/09/22
Шинэ мэдээЗудын эрсдэлийн мэдээлэлд үндэслэн урьдчилан сэргийлэх, эрсдэлийг бууруулах, эрт хариу арга хэмжээний талаар хэлэлцлээ
Хэлэлцүүлэгт УОК, ОБЕГ, Аж, үйлдвэр эрдэс баялагийн яам, Хүнс, хөдөө аж ахуй, хөнгөн үйлдвэрийн яам, Зам, тээврийн яам, Гэр бүл, хөдөлмөр нийгмийн хамгааллын яам болон Гамшиг судлалын үндэсний хүрээлэн, Ус, цаг уур орчны судалгаа, мэдээллийн хүрээлэн, Үндэсний хүмүүнлэгийн багийн гишүүн байгууллагууд болох НҮБ-ын төрөлжсөн байгууллага, Монголын Улаан загалмай нийгэмлэг, Олон улсын төрийн бус байгууллагуудын төлөөлөл оролцсон юм.
2026/09/22
Шинэ мэдээАлба хаагчид 4094 хүний амь нас их наяд 123.9 тэрбум төгрөгийн өмч хөрөнгийг авран хамгааллаа
Улсын хэмжээнд он гарсаар есөн сарын байдлаар (2026.01.01-09.30) байдлаар 3872 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.
