Батлан хамгаалахын дэд сайд Д.Баасандамба тэргүүтэй төлөөлөгчид Шуурхай удирдлага, зарлан мэдээллийн төвийн үйл ажиллагаатай танилцав
Батлан хамгаалахын дэд сайд Д.Баасандамба, Тусгай хүчний цэргийн командлагч, бригадын генерал Б.Хаш-Эрдэнэ болон АНУ-ын Тэнгисийн цэргийн төгсөлтийн дараах боловсрол олгох сургуулийн төлөөлөгчид өнөөдөр /2026.09.21/ Онцгой байдлын ерөнхий газрын Шуурхай удирдлага, зарлан мэдээллийн төв (ШУЗМТ)-ийн үйл ажиллагаатай танилцлаа.
ОБЕГ-ын Тэргүүн дэд дарга бөгөөд штабын дарга, бригадын генерал Ц.Ганзориг ШУЗМТ-ийн үйл ажиллагааг танилцуулах үеэр гамшгийн үеийн харилцаа холбоо, зохион байгуулалтын талаар мэдээлэл өгсөн бөгөөд бүсчилсэн хөгжилтэй уялдуулан цаашид бүсийн төвүүдэд ШУЗМТ байгуулах боломжийн талаар санал солилцов.
Ташрамд дурдахад, тус төв нь анх 2013 онд ОБЕГ-ын Гамшгийн шуурхай удирдлагын газрын бүтцэд үйл ажиллагаагаа эхлүүлж, 2023 онд ОБЕГ-ын дэргэдэх “Шуурхай удирдлага, зарлан мэдээллийн төв” болж, зарлан мэдээлэл дамжуулах болон хөдөлгөөнт удирдлагын төвтэй, мэргэжлийн инженер, техникийн алба хаагчидтай, 21 аймаг, нийслэл дэх Онцгой байдлын байгууллагын бүх салбар нэгжүүдтэй холбогдсон, гамшгийн үеийн удирдлага, зохицуулалтыг үндэсний хэмжээнд хэрэгжүүлдэг нэгж болон өргөжсөн юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/09/21
Шинэ мэдээЗудын эрсдэлийн мэдээлэлд үндэслэн урьдчилан сэргийлэх, эрсдэлийг бууруулах, эрт хариу арга хэмжээний талаар хэлэлцлээ
Хэлэлцүүлэгт УОК, ОБЕГ, Аж, үйлдвэр эрдэс баялагийн яам, Хүнс, хөдөө аж ахуй, хөнгөн үйлдвэрийн яам, Зам, тээврийн яам, Гэр бүл, хөдөлмөр нийгмийн хамгааллын яам болон Гамшиг судлалын үндэсний хүрээлэн, Ус, цаг уур орчны судалгаа, мэдээллийн хүрээлэн, Үндэсний хүмүүнлэгийн багийн гишүүн байгууллагууд болох НҮБ-ын төрөлжсөн байгууллага, Монголын Улаан загалмай нийгэмлэг, Олон улсын төрийн бус байгууллагуудын төлөөлөл оролцсон юм.
2026/09/21
Шинэ мэдээАлба хаагчид 4094 хүний амь нас их наяд 123.9 тэрбум төгрөгийн өмч хөрөнгийг авран хамгааллаа
Улсын хэмжээнд он гарсаар есөн сарын байдлаар (2026.01.01-09.30) байдлаар 3872 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.
