Цаг агаар:

Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Нутгийн баруун хэсгээр үүлшинэ. Увс, Ховд, Завхан, Хөвсгөлийн зарим сумдын нутгаар 0.0-1.2 мм бага зэргийн бороо орно. Бусад нутгаар багавтар үүлтэй, бороо орохгүй. Салхи ихэнх нутгаар баруун өмнөөс 4-9 м/с, Алтайн салбар уулсаар 12-14 м/с хүрч ширүүснэ. Увс нуурын хотгор, Алтайн уулархаг нутгаар +14…+19 градус, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр +18...+23 градус, говийн бүс нутаг, Орхон голын хөндий, Дорнод-Дарьгангын тал нутгаар +28…+33 градус, бусад нутгаар +24…+29 градус дулаан байна

Улаанбаатар хотод: Багавтар үүлтэй. Бороо орохгүй. Салхи баруун өмнөөс 4-9 м/с, өдөртөө халж, +27...+29 градус дулаан байна.

Төлөв байдал: 16-17-нд шилжих шөнө Хөвсгөлийн ихэнх сумд, Завхан, Архангайн зарим сумд, Булган, Сэлэнгийн хойд сумдын нутгаар 0.0-2.0 мм бага зэргийн бороо, 17-ны өдөр Завхан, Архангай, Булганы ихэнх сумд, Увсын зүүн, Хөвсгөл, Сэлэнгийн зарим сумд, Төв аймгийн хойд сумдын нутгаар, 17-18-нд шилжих шөнө Булган, Төв аймгийн ихэнх сумд, Хөвсгөл, Өвөрхангайн зарим сумд, Архангай, Сэлэнгийн өмнөд, Хэнтийн хойд сумдын нутгаар, 18-ны өдөр Завхан, Хөвсгөл, Архангай, Сэлэнгэ, Дорнодын зарим сумд, Булган, Төв, Хэнтийн ихэнх сумд, Дорноговь, Сүхбаатарын өмнөд сумдаар, 18-19-нд шилжих шөнө Хэнтийн хойд сумд, Дорнод, Сүхбаатарын зарим сумдаар, 19-ний өдөр Дорнод, Сүхбаатарын зүүн сумдын нутгаар 0.0-15.0 мм бороо орно. Салхи 18-нд говь, тал хээрийн нутгаар, 19, 20-нд нутгийн зүүн хэсгээр 14-16 м/с хүрч ширүүснэ. 17-нд нутгийн баруун хэсгээр, 18-нд ихэнх нутгаар, 19-нд нутгийн зүүн хагаст сэрүүсэж, шөнөдөө Дархадын хотгор, Завхан, Заг, Байдраг голын эхээр -3...-8 градус хүйтэн, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр -2...+3 градус, Их нууруудын хотгор, говийн бүс нутгийн өмнөд хэсгээр +10...+15 градус, бусад нутгаар +4...+9 градус дулаан, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор +11...+16 градус, говийн бүс нутаг Дарьгангын тал нутгаар +22...+27 градус, бусад нутгаар +16…+21 градус дулаан байна.

Гал түймэр:

Төв аймаг, Батсүмбэр сум Үдлэг багийн “Наян тэмээт” гэдэг газар  өвөлжөө шатаж байна гэсэн дуудлагыг 2026.09.15-ны өдрийн 12:08 цагт хүлээн авсан. Тус аймгийн Онцгой байдлын газрын 84 дүгээр ангийн  алба хаагчдыг очиход иргэн Б-ийн  “Kia Bongo-3” загварын ачааны автомашин болон 3.6 тн өвс, 4х5 метрийн хэмжээтэй өвөлжөөний бууц бүрэн шатаж байсныг ажиллан унтраасан.

Улаанбаатар хот, Налайх дүүрэг 3 дугаар хороо амбаар шатаж байна гэсэн дуудлагыг 2026.09.16-ний өдрийн 00:04 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход иргэн Г-ын 4х5, 3х6 метрийн хэмжээтэй 2 амбаар бүрэн шатаж байсныг ажиллаж унтраасан.

Ой, хээрийн түймэр:

Хөвсгөл аймаг, Рэнчинлхүмбэ сум Далайн зах багийн "Бугад хаш" гэдэг газар /аймгийн төвөөс зүүн хойд зүгт 145 км-т, сумын төвөөс зүүн зүгт 48 км-т/  Ойн гал түймэр гарсан тухай мэдээллийг 2026.09.15-ны өдрийн 09:48 цагт хүлээн авсан.  Ренчинлхүмбэ сумын Мэргэжлийн ангийнхан, орон нутгийн иргэд унтраах ажиллагааг зохион байгуулж, мөн өдрийн 12:45 цагт цурамд оруулж, 15:42 цагт бүрэн унтраасан. Урьдчилсан байдлаар түймэрт 0.8 га орчим талбай өртсөн.          

ОНЦГОЙ БАЙДЛЫН ЕРӨНХИЙ ГАЗАР