Хамтран хэрэгжүүлж байгаа төслийн үр дүн, цаашдын хамтын ажиллагааны талаар санал солилцлоо
Онцгой байдлын ерөнхий газрын дарга, хошууч генерал Г.Ариунбуян, БНФУ-аас Монгол Улсад суугаа Элчин сайдын яамны Иргэний аюулгүй байдлын бүсийн зөвлөхөөр томилогдсон дэд хурандаа Фабрис Моссег хүлээн авч уулзлаа.
Уулзалтаар шинээр томилогдсон Иргэний аюулгүй байдлын бүсийн зөвлөх, дэд хурандаа Фабрис Моссед ажлын амжилт хүсэж, байгууллагын үйл ажиллагаа болон хоёр орны хамтын ажиллагааны бэлгэ тэмдэг болсон төслүүдийг үргэлжлүүлэх, цаашдын хамтын ажиллагааны талаар санал солилцсон юм.
Хошууч генерал Г.Ариунбуян БНФУ-аас Монгол Улсад сууж байсан болон суугаа Элчин сайд нар, үе, үеийн бүсийн зөвлөхүүд, тэр дундаа хошууч Кристоф Буманн нарын хичээл, зүтгэлийн үр дүнд хамтын ажиллагааны төслүүд амжилттай хэрэгжиж, мэргэжлийн сургалт, арга хэмжээнүүд зохион байгуулж байгааг онцоллоо.
Монгол, Франц Улсын гамшгаас хамгаалах салбар дахь хамтын ажиллагаа нь 2010 оноос эхлэлтэй. Энэ хугацаанд Монгол Улсад Агаараас эрэн хайх, аврах нэгж байгуулах, нисдэг тэрэг болон гал түймэр унтраах автомашин нийлүүлэх төслүүд амжилттай хэрэгжиж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/08/27
Шинэ мэдээЗудын эрсдэлийн мэдээлэлд үндэслэн урьдчилан сэргийлэх, эрсдэлийг бууруулах, эрт хариу арга хэмжээний талаар хэлэлцлээ
Хэлэлцүүлэгт УОК, ОБЕГ, Аж, үйлдвэр эрдэс баялагийн яам, Хүнс, хөдөө аж ахуй, хөнгөн үйлдвэрийн яам, Зам, тээврийн яам, Гэр бүл, хөдөлмөр нийгмийн хамгааллын яам болон Гамшиг судлалын үндэсний хүрээлэн, Ус, цаг уур орчны судалгаа, мэдээллийн хүрээлэн, Үндэсний хүмүүнлэгийн багийн гишүүн байгууллагууд болох НҮБ-ын төрөлжсөн байгууллага, Монголын Улаан загалмай нийгэмлэг, Олон улсын төрийн бус байгууллагуудын төлөөлөл оролцсон юм.
2026/08/27
Шинэ мэдээАлба хаагчид 4094 хүний амь нас их наяд 123.9 тэрбум төгрөгийн өмч хөрөнгийг авран хамгааллаа
Улсын хэмжээнд он гарсаар есөн сарын байдлаар (2026.01.01-09.30) байдлаар 3872 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.
