Цөлжилттэй тэмцэх тухай НҮБ-ын суурь конвенцын оролцогч талуудын 17 дугаар бага хурлын “Усны өдөр”-ийн хүрээнд Цэнхэр бүсийн Засгийн газрын павильонд зохион байгуулсан үйл ажиллагааны үеэр танилцуулсан “Уур амьсгал, усны гаралтай гамшгийн эрсдэл, эрт авах арга хэмжээ” сэдэвт хэлэлцүүлгийн онцлох ишлэл

Онцгой байдлын ерөнхий газрын дарга, хошууч генерал Г.Ариунбуян: "Усны нөөцийн тогтвортой менежмент нь хүний эрүүл мэнд, хүнсний аюулгүй байдал, эдийн засгийн өсөлт, экосистемийн тэнцвэрт байдлыг хангахаас гадна үер, ган, зудын гамшгийн эрсдэлийг бууруулах нөхцөлийг бүрдүүлдэг.

ОБЕГ-ын Эрсдэлийн удирдлагын газрын дарга, хурандаа Д.Баасансүрэн: “2020-2022 онд Монгол Улсын зудын эрсдэлийн их түвшинд эзлэх газар нутгийн хэмжээ 38.9%, маш их түвшинд 0.5% байсан бол, 2050 онд эрсдэлийн түвшин их газар нутгийн хэмжээ 49.1% болж 10.2 хувиар, маш их түвшинд эзлэх газар нутгийн хэмжээ 17.9% буюу 10.4 хувиар нэмэгдэх төлөвтэй байна.

ОБЕГ-ын Бодлого төлөвлөлтийн газрын хэлтсийн дарга, хурандаа, доктор Д.Сэржмядаг: “Үерийн эрсдэлийг бууруулна гэдэг нь газар, ус, хүний эрх болон хүний аюулгүй байдлыг хамгаалах асуудал юм.

НҮБ-ын Хүнс, хөдөө аж ахуйн байгууллагын техникийн зөвлөх, доктор С.Жигжидпүрэв: Урьдчилан сэргийлэх арга хэмжээг гамшгийн бэлэн байдалтай уялдуулж, цогцоор нь хөгжүүлэх шаардлагатай байна