Цөлжилттэй тэмцэх тухай НҮБ-ын суурь конвенцын оролцогч талуудын 17 дугаар бага хурал энэ сарын 17-28-ны өдрүүдэд болж байгаатай холбогдуулан хуралд оролцогч, зохион байгуулагчдын аюулгүй байдлыг хангах шуурхай бүлгийн томилгоот бүрэлдэхүүн 24 цагаар ажиллаж байна.

Болзошгүй эрсдэл, ослоос урьдчилан сэргийлэх арга хэмжээг ОБЕГ-ын Ажиллагааны шуурхай штабаас нэгдсэн удирдлага, зохион байгуулалтаар ханган ажиллаж байгаа юм. 

Мөн гал түймэр, гамшиг ослоос урьдчилан сэргийлэх хяналт, шалгалтыг тогтмол зохион байгуулж, урьдчилан сэргийлэх арга хэмжээг хэрэгжүүлж байна. 

Цөлжилт, газрын доройтол, гангийн асуудлаар 197 орны Засгийн газар, эрдэмтэн судлаач, хувийн хэвшлийн 12,000 гаруй төлөөлөл оролцож байгаа тус хурал энэ сарын 28-ныг хүртэл үргэлжилнэ.