Цаг агаар:

Өнгөрсөн хоногт: Архангай аймгийн 10 суманд 24.0 мм, Баянхонгор аймгийн 7 суманд 10 мм, Баян-Өлгий аймгийн 1 суманд 2 мм, Булган аймгийн 5 суманд 10 мм, Дорноговь аймгийн 2 суманд 0.3 мм, Орхон аймгийн 1 суманд 14.2 мм, Өвөрхангай аймгийн 3 суманд 3 мм, Өмнөговь аймгийн 7 суманд 8 мм, Хөвсгөл аймгийн 6 суманд 6 мм хүртэл бороо орсон. Бусад нутгаар цаг агаар тогтуун байлаа.

Өнөөдөр: Ихэнх нутгаар солигдмол үүлтэй. Баруун аймгуудын нутгийн зүүн, төв, говь, зүүн аймгуудын нутгийн зарим газраар бороо, дуу цахилгаантай аадар бороо орно. Салхи нутгийн хойд хэсгээр баруун хойноос, бусад нутгаар баруунаас 4-9  /м, нутгийн зарим газраар борооны өмнө түр зуур ширүүснэ. Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Эг, Үүр, Туул, Тэрэлж голын хөндийгөөр +22…+27 градус, Их нууруудын хотгор, Алтайн өвөр говь болон говийн бүс нутгийн зүүн хэсгээр +32...+37 градус, бусад нутгаар +26…+31 градус дулаан байна.

Улаанбаатар хотод: Үүлшинэ, дуу цахилгаантай аадар бороо орно. Салхи баруунаас 4-9  м/с, борооны өмнө түр зуур ширүүснэ. Өдөртөө +26...+28 градус дулаан байна.

Төлөв байдал: 05-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 6-нд төв болон зүүн аймгуудын нутгийн зарим газар, говийн аймгуудын нутгийн зүүн хэсгээр, 7-нд баруун болон төвийн аймгуудын нутгийн хойд, зүүн аймгуудын нутгийн зарим газраар, 8-нд баруун аймгуудын нутгийн хойд хэсэг, төв болон зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх нутгаар 4-9 м/с, нутгийн зарим газраар борооны өмнө түр зуур ширүүснэ. 05-нд нутгийн баруун хагаст, цаашдаа нутгийн өмнөд хэсгээр халж, Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр голын хөндийгөөр шөнөдөө +5...+10 градус, өдөртөө +18...+23 градус, говийн бүс нутгийн өмнөд хэсгээр шөнөдөө +21...+26 градус, өдөртөө +34...+39 градус, Их нууруудын хотгор, говийн бүс нутгийн хойд хэсэг, Дорнод-Дарьгангын тал нутаг, Халх голын хөндийгөөр шөнөдөө +16...+21 градус, өдөртөө +28...+33 градус, бусад нутгаар шөнөдөө +12...+17 градус, өдөртөө +23...+28 градус дулаан байна

Гал түймэр:

Улаанбаатар хот, Чингэлтэй дүүрэг 7 дугаар хороо байшин шатаж байна гэсэн дуудлагыг 2026.08.03-ны өдрийн 18:18 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Т-ийн 8х8 метрийн хэмжээтэй байшингийн дээврийн хэсэг, 2х4 метрийн хэмжээтэй амбаар бүрэн шатаж байсныг  ажиллан унтраасан.

Улаанбаатар хот, Баянгол дүүрэг 4 дүгээр хороо утаа гараад байна гэсэн дуудлагыг 2026.08.03-ны өдрийн 20:18 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Н-ийн 3х5 метрийн хэмжээтэйүйл ажиллагаа явуулдаг өрөөнд эд зүйл шатаж байсныг ажиллан унтраасан.

Архангай аймаг, Хотонт сум Улаан чулуу багийн "Өвөр хавцал" гэдэг газар /аймгийн төвөөс 75 км-т/ Малын саравч шатаж байна гэсэн дуудлагыг 2026.08.03-ны өдрийн 22:48 цагт хүлээн авсан. Өвөрхангай аймгийн Онцгой байдлын газрын Хархорин сум дахь Онцгой байдлын хэлтсийн 45 дугаар ангийн алба хаагчдыг очиход иргэн А-ийн 13х20 метрийн хэмжээтэй малын саравч, 400 орчим боодлын өвс шатаж байсныг ажиллан унтраасан.        

Улаанбаатар хот, Баянгол дүүрэг   26 дугаар хороо тагтан дээр гал гарч байна гэсэн дуудлагыг 2026.08.04-ний өдрийн 05:07 цагт хүлээн авсан. Хан-Уул дүүргийн Онцгой байдлын хэлтсийн 14 дүгээр ангийн алба хаагчдыг очиход иргэн С-ийн 2 өрөө байрны 1х2 метрийн хэмжээтэй тагт дээр эд зүйл шатаж байсныг ажиллан унтраасан.

ОНЦГОЙ БАЙДЛЫН ЕРӨНХИЙ ГАЗАР