ТОКИО, 2026 оны долоодугаар сарын 30 /Kyodo/. Энэ долоо хоногийн эхээр Японы баруун өмнөд нутагт болсон газар хөдлөлтөд өртөн амиа алдсан хүмүүсийн тоо 28-д хүрч өсжээ.

Пүрэв гаргийн өглөөний байдлаар нүүлгэн шилжүүлэлтийн төвүүдэд 10 мянга гаруй хүн байрлаж байна.  Кумамото мужийн захиргаанаас мэдээлснээр, 23 мянга орчим айл өрхийн цахилгаан тасарч, 75 мянга орчим айл өрхийн усан хангамж доголджээ.

Сануулан дурдахад, 28-ны өдөр Японы баруун өмнөд нутгийн Кумамото мужид 7.1 магнитудын хүчтэй газар хөдлөлт болсон билээ. Үүний дараа афтершок буюу газар хөдлөлтийн дараах чичирхийлэл 100 гаруй удаа болсон бөгөөд дахин газар хөдлөхөөс болгоомжилсон хүмүүс автомашиндаа хоножээ.

Ойрын өдрүүдэд тус мужид +39 хэм хүртэл халах төлөвтэй байгаа нь эрэн хайх, аврах ажиллагаанд хүндрэл учруулж болзошгүй байна. Үүнтэй холбогдуулан наранд цохиулахаас сэргийлэхийн тулд зохих заавруудыг дагаж мөрдөхийг аврагчид болон иргэдэд мужийн захиргаа уриаллаа.    

Номхон далай дахь “галт цагираг” дээр орших Япон улс бол газар хөдлөлтөд  хамгийн ихээр өртдөг орнуудын нэг юм. Энд таван минут тутамд наад зах нь нэг удаа газар хөдлөлт болдог бөгөөд дэлхий дээр болж буй 6 ба түүнээс дээш магнитудын хүчтэй газар хөдлөлтүүдийн 20 орчим хувь нь Японд болдог байна.

Эх сурвалж:Монцамэ агентлаг