Японы баруун өмнөд нутагт 7.1 магнитудын хүчтэй газар хөдөлжээ
ТОКИО, 2026 оны долоодугаар сарын 28 /Kyodo/. Японы баруун өмнөд нутагт мягмар гарагт 7.1 магнитудын хүчтэй газар хөдөлсний дараа Ариакэ булан болон Күмамото мужийн Яцүширо хотод цунамийн түгшүүр зарлажээ. Урьдчилсан мэдээллээр хэд, хэдэн хүн бэртэж гэмтсэн байх магадлалтай байна. Японы Цаг уурын агентлагаас мэдээлснээр, орон нутгийн цагаар 16:27 цагт Күмамото мужид газар хөдөлсөн байна. Газар хөдлөлтийн голомт нь 10 орчим км-ийн гүнд байжээ. Кюшю арлын төв хэсэгт орших Күмамото мужид газар хөдлөлтийн хүч Японы газар хөдлөлтийн эрчим хэмжих шаталбараар хамгийн дээд түвшин болох 7 магнитудад хүрсэн бөгөөд Үки хот, Хикава тосгонд хамгийн хүчтэй мэдрэгдсэн байна. Харин ойр орчмын бүсүүдэд 6-гаас дээш магнитудын хүчтэй чичирхийлэл бүртгэгдсэн байна.
Орон нутгийн гал түймэртэй тэмцэх алба болон цахилгаан түгээх компанийн мэдээлснээр, газар хөдлөлтийн улмаас хэд хэдэн хүн бэртэж гэмтсэн байх магадлалтай байгаа ба Күмамото мужийн 48 мянга орчим өрх цахилгаангүй болжээ.
Мөн хөрш Кагошима мужид 5-аас дээш, Фүкүока, Сага мужуудад 5-аас доош түвшний чичирхийлэл мэдрэгдсэн байна. Кюшю арлын эрчим хүчний компанийн мэдээлснээр, Кагошима муж дахь Сэндай цөмийн цахилгаан станц болон Сага муж дахь Гэнкай цөмийн цахилгаан станцад эвдрэл илрээгүй байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/07/29
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/07/29
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/07/29
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
