Өвөлжилтийн бэлтгэлийг эрчимжүүлж, шаардлагатай арга хэмжээг хэрэгжүүлнэ
Монгол Улсын Шадар сайд, Улсын Онцгой комиссын дарга Н.Номтойбаяр өвөлжилтийн бэлтгэл ажлын явц, авч хэрэгжүүлж байгаа арга хэмжээний талаар мэдээлэл өглөө.
Тэрээр энэ жил зарим бүс нутагт хуурайшилт их байгааг онцолж, улсын хэмжээнд 58.9 сая толгой мал тоологдсон. Өвөлжилтийн бэлтгэлийг бүрэн хангаж чадвал мал аж ахуйн салбарын тогтвортой байдлыг хангаж, эрсдэлийг бууруулах боломжтой. Мөн эрчим хүчний салбарт өвөлжилтийн бэлтгэл хангах ажил үргэлжилж байгаа бөгөөд салбарын бэлэн байдал 50 хувьтай байна. Үүнтэй холбогдуулан салбарын сайд, холбогдох байгууллагын удирдлагуудад өвөлжилтийн бэлтгэлийг эрчимжүүлэх чиглэлээр хамтран ажиллаж байгааг онцоллоо.
Улсын Онцгой комиссын даргын хувиар Ерөнхий сайдын албан даалгаврын хэрэгжилтэд хяналт тавьж, энэ хүрээнд 21 аймагт ажиллаж, өвөлжилтийн бэлтгэлийн явц, үүрэг даалгаврын хэрэгжилтийг шалган, шаардлагатай арга хэмжээг тухай бүр авч хэрэгжүүлнэ гэдгээ мэдээлсэн юм.
Түүнчлэн шүлхий өвчний тархалттай холбогдуулан малын халдварт өвчний эрсдэлийг бууруулах, өвөлжилтийн бэлтгэлийг тасалдуулахгүй байх зорилгоор ирэх наймдугаар сарын 1-нээс эхлэн орон нутагт зохион байгуулах баяр наадмыг зогсоох шийдвэр гаргасныг танилцууллаа.. Ингэснээр аймаг, сумдын удирдлага, холбогдох байгууллагууд өвөлжилтийн бэлтгэл ажилдаа бүрэн төвлөрөх нөхцөл бүрдэхийг онцоллоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/07/21
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/07/21
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/07/21
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
