ХӨНДӨХ СЭДЭВ: Наадмын амралтаар 11 том хүн, 2 хүүхэд усанд осолдож, амь насаа алджээ
Т.Болормаа
Баяр наадмын урт амралт дуусаж, өнөөдрөөс ажил цуглалаа. Ажил цуглахдаа зэрэгцэн урт амралтын өдрүүдэд аюулт үзэгдэл ослын улмаас 19 хүн амь насаа алджээ гэх албан мэдээ цацагдав. Үүний дийлэнх нь буюу 13 нь усны ослоор хорвоог орхижээ.
Наадмын амралт эхлэхтэй зэрэгцэн холбогдох албаныхан өдөр бүр шахуу сэрэмжлүүлэг гаргаж, ард иргэдээ усанд осолдохоос мянгантаа сэрэмжлүүлдэг ч тогтож харж, толгойдоо эргэцүүлдэг хүн ховор. Тийм ч учраас жил бүр баяр наадмын дараа ОБЕГ-аас "Баяр наадмын амралтын үеэр усны ослоор тэдэн хүн энджээ" гэх мэдээлэл цацагдаж, нийтээрээ халаглаж, хариуцлагатай байхыг хэдэн биенээсээ шаарддаг ч хэдхэн хоноод л мартчихдаг.
НААДМЫН АМРАЛТААР УСНЫ ОСЛООР АМЬ НАСАА АЛДСАН ХҮНИЙ ТОО:
2017 оны БАЯР НААДМЫН АМРАЛТ: 12 хүн
2018 оны БАЯР НААДМЫН АМРАЛТ: 4 хүн
2019 оны БАЯР НААДМЫН АМРАЛТ: 14 хүн
2020 оны БАЯР НААДМЫН АМРАЛТ: 17 хүн
2021 оны БАЯР НААДМЫН АМРАЛТ: 26 хүн
2022 оны БАЯР НААДМЫН АМРАЛТ: 20 хүн
2023 оны БАЯР НААДМЫН АМРАЛТ: 8 хүн
2024 оны БАЯР НААДМЫН АМРАЛТ: 24 хүн
2025 оны БАЯР НААДМЫН АМРАЛТ: 18 хүн
2026 оны БАЯР НААДМЫН АМРАЛТ: 13 хүн
Энэ бол зөвхөн баяр наадмын амралтын өдрүүдэд усны ослоор амь насаа алдсан хүний тоо.
Ердөө хэдхэн хоногийн дотор гэхэд дэндүү их тоо. Үүний ард хэчнээн гэр бүл өнчрөл хагацлын хатуу зовлонг туулж буйг хэлэхэд бэрх.
Хамгийн харамсалтай нь үүний дийлэнх нь бага насны хүүхдүүд. Эцэг эхийн анхаарал хором сарнихад л энэ тоо нэгээр нэмэгдэж, алдрай бяцхан үрс аврал эрсээр энэ хорвоог орхидог. Зуны дэлгэр цаг дуусах болоогүй учраас энэ тоо хэдээр нэмэгдэхийг бид таашгүй.
Үнэн хэрэгтээ усны осол нь хувь хүний хариуцлагатай шууд холбоотой. Согтууруулах ундаа хэрэглэсэн үедээ голд ороогүй бол, гол усны ойролцоо бяцхан үрсээ хараа хяналтгүй орхиогүй бол өнөөдөр хэдэн амь бидний дэргэд байх байсныг тааварлашгүй. Тиймээс гол ус бараадахдаа анхаарал болгоомжтой байж, хариуцлагатай аялахыг анхааруулж байна.
Усны осол хоромхон зуурын хариуцлагагүй үйлдлээс үүддэг учраас алхам тутамдаа АНХААРАЛ, БОЛГООМЖТОЙ БАЙЦГААЯ!!!
НЭМЭЛТ МЭДЭЭЛЭЛ: Усанд живсэн үед үзүүлэх анхны тусламж
Амьсгал авч байгаа эсэхийг шалгаж яаралтай тусламж дуудах /102, 103, 105/
Амьсгалахгүй байвал хамрыг чимхэж, ам руу хүчтэй үлээнэ. 10 секундэд 5 удаа ухаан ортол давтана.
Амьсгалж эхэлбэл хажуу талаар нь харуулж цэвэр агаар амьсгалуулна.
Толгойг гудайлган эрүүг нь өргө. Ам, хоолойд нь тээглэсэн зүйлийг гарга.
Цээжний доод хэсэгт буюу өвчүүний голд нэг гарынхаа алгыг байрлуулж нөгөө гараараа түгжиж, хоёр гараа нугалахгүйгээр цээжин дээр дарна. Амьсгал сэргэж судас лугшилт мэдрэх хүртэл үргэлжлүүлнэ.
Эх сурвалж: UBN.mn
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/07/20
Шинэ мэдээСумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлсэн гэдгийг онцоллоо
Сумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлснээр төрийн ачаалал буурч, эдийн засгийн үр ашигтай ажиллаж эхэлсэн гэдгийг энэ үеэр танилцууллаа.
2026/07/20
Шинэ мэдээЦэнхэр бүсэд гал түймэр гарсан үед хариу арга хэмжээний дадлага сургуулийг зохион байгууллаа
“Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) зохион байгуулах цэнхэр бүсэд гал түймэр гарсан үед хариу арга хэмжээ зохион байгуулах дадлага, сургуулийг зохион байгууллаа.
2026/07/20
Гадаад мэдээЕвропт аагим халуун өдрүүд үргэлжилж байна
БУДАПЕШТ, 2026 оны наймдугаар сарын 6 /Reuters/. Австри улсад лхагва гарагт агаарын хэм түүхэн дээд хэмжээнд хүрч халжээ. Түүнчлэн аагим халуун, ган гачгийн улмаас төв болон өмнөд Европт ихээхэн хүндрэл үүсэж, Унгар улсад эрчим хүчний хэрэглээг хязгаарлажээ. Дэлхийд хамгийн эрчимтэй дулаарч буй Европ тивд энэ зун түүхэнд үзэгдээгүйгээр халж, Франц, Испани улсууд түймрийн гамшигт өртөөд байна. Аагим халуун агаарын урсгал зүүн зүгт шилжиж, Италийн зарим нутагт Цельсийн +40 хэм хүрсэн тул томоохон хотуудад улаан түвшний сэрэмжлүүлэг зарлажээ. Албани улсын онцгой байдлын албаныхан Маллакастер мужийн өмнөд хэсэгт дэгдсэн ойн түймрийг унтраахаар ажиллаж байна. Хэт халуунаас болж Ватиканы Пап лам Лео долоо хоног тутмын айлтгалаа Ариун Петрийн талбайд бус харин дотор танхимд хийхээс аргагүйд хүрчээ. Ромд ирсэн жуулчид энэ шийдвэрийг "бүгчим халуунаас түр боловч зугтах боломж" хэмээн талархан хүлээн авчээ. Словактай залгаа хилийн орчимд орших Австрийн Бад Дойч-Альтенбург хотод агаарын хэм +41.2 °C хүрснийг тус улсын үндэсний цаг уурын алба бүртгэжээ. Түүнчлнэ мягмар гарагт Вена хотын орчимд +41.0 °C хүрч халсан байна.
