Цаг агаар:

Өнгөрсөн хоногт: Дорнод аймгийн 3 суманд 0.6 мм, Сэлэнгэ аймгийн 2 суманд 0.5 мм бороо орсон. Бусад нутгаар цаг агаар тогтуун байлаа.

Өнөөдөр: Ихэнх нутгаар солигдмол үүлтэй. Монгол-Алтай, Хангай, Хөвсгөл, Хэнтийн уулархаг нутаг, Орхон, Онон, Улз, Халх голын хөндий, Дорнод-Дарьгангын тал нутгаар бороо, дуу цахилгаантай аадар бороо орно.

Салхи нутгийн баруун өмнөд хэсгээр баруун өмнөөс, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ.

Алтай, Хангай, Хөвсгөл, Хэнтийн уулархаг нутаг, Туул, Тэрэлж голын хөндийгөөр +24...+29 градус, Их нууруудын хотгор, говийн бүс нутгийн өмнөд хэсгээр +35...+40 градус, бусад нутгаар +28...+33 градус дулаан байна.

Улаанбаатар хотод: Үүлшинэ. Дуу цахилгаантай бага зэргийн аадар бороо орно. Салхи зүүн өмнөөс хойш эргэж секундэд 4-9 метр, борооны өмнө түр зуур ширүүснэ. +27...+29 градус дулаан байна.

Төлөв байдал: 03-нд Хангай, Хөвсгөлийн уулархаг нутаг, Орхон-Сэлэнгийн сав газар, говийн бүс нутгийн хойд хэсэг, Туул, Халх голын хөндийгөөр, 04-нд Монгол-Алтай, Хангай, Хэнтийн уулархаг нутаг, Сэлэнгэ, Хэрлэн, Онон, Улз, Халх голын хөндий, Дорнод-Дарьгангын тал нутгаар, 05-нд Монгол-Алтай, Хангайн уулархаг нутаг, Дорнод-Дарьгангын тал нутаг, Халх голын сав газраар, 06-нд  баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсгээр бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, нутгийн зарим газраар борооны өмнө түр зуур ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлж, Хэрлэн голын хөндийгөөр шөнөдөө +7...+12 градус, өдөртөө +22...+27 градус, Их нууруудын хотгор, говийн бүс нутгийн баруун өмнөд хэсгээр шөнөдөө +23...+28 градус, өдөртөө +37...+42 градус, говийн бүс нутгийн хойд болон зүүн хэсгээр шөнөдөө +17...+22 градус, өдөртөө +30...+35 градус, бусад нутгаар шөнөдөө +12...+17 градус, өдөртөө +25...+30 градус дулаан байна.

Гал түймэр:

Ховд аймгийн Жаргалант сумын Цамбагарав багт байшингийн дээвэр шатаж байна гэсэн дуудлагыг 15:14 цагт хүлээн авсан. Тус аймгийн Онцгой байдлын газрын 48 дугаар ангийн алба хаагчдыг очиход иргэн Б-гийн эзэмшлийн 4х6 хэмжээтэй байшингийн дээвэр шатаж байсныг ажиллаж унтраасан.

Багануур дүүргийн 5 дугаар хороонд өнжмөл шар өвс шатаж байна гэсэн дуудлагыг 16:58 цагт хүлээн авсан. Тус дүүргийн Онцгой байдлын хэлтсийн 64 дүгээр ангийн алба хаагчдыг очиход иргэн А-гийн эзэмшлийн хашаанд өнжмөл шар өвс /модны хөвөн/ шатаж байсныг ажиллаж унтраасан.

Говь-Алтай аймгийн Есөнбулаг сумын Жаргалан багт хашаа шатаж байна гэсэн дуудлагыг 20:10 цагт хүлээн авсан. Тус аймгийн Онцгой байдлын газрын 59 дүгээр ангийн алба хаагчдыг очиход иргэн Б-гийн 9 метр хэмжээтэй хашаа шатаж байсныг ажиллаж унтраасан.

Архангай аймгийн Эрдэнэбулган сумын Бортолгойн 4 дүгээр багт гэр шатаж байна гэх дуудлагыг 23:15 цагт хүлээн авсан. Тус аймгийн Онцгой байдлын газрын 51 дүгээр ангийн алба хаагчдыг очиход 5 ханатай гэр /эзэнгүй/ шатаж байсныг ажиллаж унтраасан.

Ой, хээрийн түймэр: 

Дорнод аймгийн Халхгол сумын Ялалт 2 дугаар баг "Ялдамхай" гэдэг газар /аймгийн төвөөс зүүн урд зүгт 320 км, сумын төвөөс баруун хойд зүгт 40 км/-т аянга бууж хээрийн түймэр гарсан тухай дуудлагыг 07.01-ний өдрийн 12:30 цагт хүлээн авсан. Тус аймгийн Онцгой байдлын газрын Халхгол сум дахь 62 дугаар ангийн алба хаагчид, Халхгол сумын Мэргэжлийн ангийнхан, орон нутгийн иргэд ажиллаж, 07.01-ний өдрийн 14:33 цагт цурамд оруулж, 14:53 цагт бүрэн унтраасан. Урьдчилсан байдлаар 80 га талбай өртсөн.

Дорнод аймгийн Баянтүмэн сумын Жаргалант 2 дугаар баг "Зүүн сүүж" гэдэг газар /аймгийн төвөөс зүүн урд зүгт 40 км-т, сумын төвөөс зүүн урд зүгт 60 км-т/ аянга бууж хээрийн түймэр гарсан тухай дуудлагыг 07.01-ний өдрийн 13:50 цагт хүлээн авсан. Тус сумын Засаг даргын Тамгын газрын Мэргэжлийн ангийнхан, орон нутгийн иргэд ажиллаж, 07.01-ний өдрийн 16:06 цагт цурамд оруулж, 16:50 цагт бүрэн унтраасан. Урьдчилсан байдлаар 240 га талбай өртсөн.

Дорнод аймгийн Халхгол сумын Ялалт 2 дугаар баг "Адаг дулаан" гэдэг газар /аймгийн төвөөс зүүн урд зүгт 240 км-т, сумын төвөөс баруун зүгт 120 км-т/ аянга бууж хээрийн түймэр гарсан тухай дуудлагыг 07.01-ний өдрийн 12:40 цагт хүлээн авсан. Тус аймгийн Онцгой байдлын газрын Халхгол сум дахь 62 дугаар ангийн алба хаагчид, орон нутгийн иргэд ажиллаж, 07.01-ний өдрийн 17:40 цагт цурамд оруулж, мөн өдрийн 19:10 цагт бүрэн унтраасан. Урьдчилсан байдлаар 1000 га талбай өртсөн.

Дорнод аймгийн Халхгол сумын Ташгай 3 дугаар баг "Цагаан чулуутын туур" гэдэг газар /аймгийн төвөөс зүүн урд зүгт 380 км-т, сумын төвөөс баруун урд зүгт 260 км-т/ аянга бууж хээрийн түймэр гарсан тухай дуудлагыг 07.01-ний өдрийн 15:41 цагт хүлээн авсан. Тус сумын Хилийн Цэргийн 0306 дугаар ангийн "Аглуутын застав", 2 дугаар заставын алба хаагчид ажиллаж, 07.01-ний өдрийн 17:45 цагт бүрэн унтраасан. Урьдчилсан байдлаар 1200 га талбай өртсөн. 

Дорнод аймгийн Халхгол сумын Ялалт 2 дугаар баг "Вангийн цагаан уул" гэдэг газар /аймгийн төвөөс зүүн урд зүгт 340 км-т, сумын төвөөс баруун зүгт 260 км-т/ аянга бууж хээрийн түймэр гарсан тухай дуудлагыг 07.01-ний өдрийн 17:32 цагт хүлээн авсан. Тус сумын Хилийн Цэргийн 0306 дугаар ангийн Аглуутын заставын алба хаагчид ажиллаж, 07.01-ний өдрийн 22:30 цагт бүрэн унтраасан. Урьдчилсан байдлаар 2400 га талбай өртсөн.

Дорнод аймгийн Халхгол сумын Ялалт 2 дугаар баг "Өндөр хүрээ" гэдэг газар /аймгийн төвөөс зүүн урд зүгт 260 км-т, сумын төвөөс баруун урд зүгт 110 км-т/ хээрийн түймэр гарсан тухай дуудлагыг 07.01-ний өдрийн 22:05 цагт хүлээн авсан. Тус аймгийн Онцгой байдлын газрын Халхгол сум дахь 62 дугаар ангийн алба хаагчид, сумын Мэргэжлийн ангийнхан ажиллаж, 07.02-ны өдрийн 02:43 цагт цурамд оруулж, мөн өдрийн 03:00 цагт бүрэн унтраасан. Урьдчилсан байдлаар 1200 га талбай өртсөн.

Дорнод аймгийн Матад сумын Эрдэнэбадрах 6 дугаар баг "Лагийн хоолой" гэдэг газар /аймгийн төвөөс урд зүгт 250 км-т, сумын төвөөс зүүн урд зүгт 95 км-т/ хээрийн түймэр гарсан тухай дуудлагыг 07.01-ний өдрийн 22:25 цагт хүлээн авсан. Сүхбаатар аймгийн Онцгой байдлын газрын Эрдэнэцагаан сум дахь 47 дугаар ангийн алба хаагчид 07.02-ны өдрийн 05:40 цагт цурамд оруулж, бүрэн унтраахаар ажиллаж байна. Урьдчилсан байдлаар 7500 га талбай өртсөн.

Хөвсгөл аймгийн Тариалан сумын Баянхошуу 5 дугаар баг "Асгат" гэдэг газар /аймгийн төвөөс зүүн хойд зүгт 150 км, Тариалан сумаас баруун зүгт 30 км-т/ ойн түймэр гарсан тухай дуудлагыг 07.01-ний өдрийн 15:57 цагт хүлээн авсан. Тус аймгийн Онцгой байдлын газрын Тариалан сум дахь 46 дугаар ангийн алба хаагчид, Баянхошуу багийн Мэргэжлийн анги, нутгийн иргэд унтраах ажиллагааг зохион байгуулан, мөн өдрийн 19:50 цагт цурамд оруулж, бүрэн унтраахаар ажиллаж байна. Урьдчилсан байдлаар ойн түймрийн /урт нь 200 метр, өргөн 100 метр/ хуурай мод багатай, өртөнг уугилт ихтэй байна.

Хүний үйл ажиллагаатай холбоотой осол:

Усны осол: Нийслэлийн Хан-Уул дүүргийн 8 дугаар хороонд Туул голын усанд хүн живсэн гэх дуудлагыг 18:31 цагт хүлээн авсан. Нийслэлийн Аврах ангийн алба хаагчдыг очиход иргэн Г /44 настай, эрэгтэй/ нь голын усанд живж, буцалтгүй нэрвэгдэгч болсон байсныг 19:00 цагт олж, Хан-Уул дүүргийн Цагдаагийн 2 дугаар хэлтсийн шинжээчид шилжүүлэн өгсөн.

ОНЦГОЙ БАЙДЛЫН ЕРӨНХИЙ ГАЗАР