Хамтран хэрэгжүүлэхээр төлөвлөж байгаа төсөл, хамтын ажиллагааны талаар санал солилцлоо
Дэлхийн банкны Хот суурин газар, гамшгийг даван туулах чадавх, газар зохион байгуулалтын салбарын ажлын хэсэг Онцгой байдлын ерөнхий газар болон Улсын онцгой комиссын ажлын албанд ажиллаж, холбогдох албан тушаалтнуудтай уулзалт хийлээ.
Уулзалтаар Монгол Улсад хэрэгжүүлэхээр төлөвлөж байгаа “Болзошгүй гамшгийн хариу арга хэмжээний төсөл”-ийн зохион байгуулалтын бүтэц, төслийн хэрэгжилтийн боломжит хувилбар, шаардлагатай бэлтгэл ажлын талаар санал солилцсон юм.
Мөн гамшгийн үед шуурхай хариу арга хэмжээ авах, хүн амд шаардлагатай дэмжлэг туслалцааг цаг алдалгүй хүргэхэд ашиглах хуваарилалтын шугам сүлжээ, байгууллага хоорондын уялдаа холбоо, төслийг хэрэгжүүлэх нэгжийн үйл ажиллагааны талаар хэлэлцлээ.
Түүнчлэн Улсын онцгой комисс гамшгийн үед ямар үүрэгтэй байдаг талаар ярилцаж, гамшгийн хариу арга хэмжээний түр орогнох байр болон бусад нэн шаардлагатай тусламж, үйлчилгээг иргэдэд хүргэх зохион байгуулалтын талаар мэдээлэл солилцсон юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/06/30
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/06/30
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/06/30
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
