"Орон нутгийн хамгаалалтын томилгоот нэгжийн нэгдсэн сургууль"-ийн хүрээнд гамшиг, ослоос урьдчилан сэргийлэх мэдлэг, мэдээллийг олгож байна
Монгол Улсын Засгийн газрын 151 дүгээр тогтоолын хүрээнд анх удаа зохион байгуулж байгаа "Орон нутгийн хамгаалалтын томилгоот нэгжийн нэгдсэн сургууль"-ийн хүрээнд ОБЕГ, Сүхбаатар аймгийн Онцгой байдлын газрын алба хаагчид обьектын болон ой, хээрийн гал түймрийг унтраах ажиллагааг зохион байгуулах, болзошгүй гамшиг, ослоос урьдчилан сэргийлэх мэдээллийг хүргэж, дадлагажуулж байна.
Сүхбаатар аймгийн Түмэнцогт суманд энэ сарын 20-26-ны өдрүүдэд болж байгаа тус дадлага сургуульд Зүүн бүсийн Дорнод, Сүхбаатар, Хэнтий аймгийн 42 сумын 134 багийн орон нутгийн хамгаалалтын томилгоот нэгжийн 400 орчим иргэн оролцож байгаа юм.
Сургуулийн хүрээнд орон нутгийн хамгаалалтын томилгоот нэгжүүдийн бэлтгэл, зохион байгуулалт, харилцан ажиллагааг сайжруулах, хууль тогтоомжийн хэрэгжилтийг хангах, гамшиг, онцгой нөхцөл байдал болон улсын батлан хамгаалах үйл ажиллагаанд оролцох чадавхыг нэмэгдүүлэх онол, практикийн сургалт, дадлага зохион байгуулж байна.
Ингэснээр орон нутгийн хамгаалалтын тогтолцоог бэхжүүлж, иргэдийн оролцоо, үүрэг хариуцлагыг нэмэгдүүлэх замаар төрийн цэргийн болон иргэний байгууллагуудын хамтын ажиллагааг сайжруулах онцлог, ач холбогдолтой юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/06/26
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/06/26
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/06/26
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
