Гамшгаас хамгаалах салбарын хамтын ажиллагааны талаар хэлэлцлээ
ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг АНУ-ын Номхон далайн армийн дэд командлагч, хошууч генерал Жайлс Ж.С. Корнелиатай уулзаж, Монгол Улс, АНУ хоорондын гамшгаас хамгаалах салбарын хамтын ажиллагаа болон “Говийн чоно-2026” олон улсын сургалт, дадлага сургуулийн бэлтгэл ажлын талаар санал солилцлоо.
Уулзалтаар талууд хоёр улсын гамшгийн бэлэн байдал, хариу арга хэмжээ, хүний нөөцийн чадавхыг бэхжүүлэх чиглэлээр хэрэгжүүлж ирсэн хамтын ажиллагааны үр дүнг онцолж, цаашдын хамтын ажиллагааг өргөжүүлэх талаар хэлэлцсэн юм.
“Говийн чоно-2026” олон улсын сургалт, дадлага сургуулийг ирэх есдүгээр сарын 21-25-ны өдрүүдэд Увс аймагт зохион байгуулахаар бэлтгэл ажлын хүрээнд төлөвлөлтийн уулзалтуудыг зохион байгуулж, сургалт, дадлага зохион байгуулах байршил, оролцогчдын бүрэлдэхүүн, зохион байгуулалтын асуудлыг хэлэлцсэн бөгөөд ирэх наймдугаар сард болох төлөвлөлтийн уулзалтаар эцэслэх юм.
Мөн талууд гамшгаас хамгаалах салбарын хамтын ажиллагааг үргэлжлүүлэн бэхжүүлэх, сургалт, дадлага сургуулийн бэлтгэл ажлыг хамтран хангахаа илэрхийллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/06/19
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/06/19
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/06/19
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
