Гамшгийн эрсдэлийн санхүүгийн тогтолцоог боловсронгуй болгох талаар хэлэлцлээ
Улсын онцгой комиссын нарийн бичгийн дарга, хурандаа Т.Баярхүү Азийн хөгжлийн банкны Гамшгийн эрсдэлийн санхүүжилтийн үнэлгээний төслийн багийн төлөөллийг хүлээн авч уулзлаа.
Уулзалтаар Улсын онцгой комиссын чиг үүрэг, гамшиг, аюулт үзэгдэл, ослын үед хэрэгжүүлдэг удирдлага, зохион байгуулалт, салбар хоорондын уялдаа холбоо, шийдвэр гаргалтын механизмын талаар танилцуулсан юм.
Талууд гамшгийн эрсдэлийг бууруулах, бэлэн байдлыг хангах, хариу арга хэмжээ авах үйл ажиллагааны санхүүжилтийн өнөөгийн нөхцөл байдал, тулгамдаж байгаа асуудал, цаашид сайжруулах боломжийн талаар санал солилцлоо.
Азийн хөгжлийн банкны төслийн багийн зүгээс Монгол Улсын гамшгийн эрсдэлийн санхүүжилтийн тогтолцоонд үнэлгээ хийх ажлын хүрээнд холбогдох байгууллагуудтай уулзалт зохион байгуулж, холбогдох мэдээлэлтэй танилцаж байгааг энэ үеэр онцолсон юм.
Тиймээс цаашид гамшгийн эрсдэлийн санхүүжилтийн тогтолцоог боловсронгуй болгох, эрсдэлийг урьдчилан тооцоолох, санхүүгийн бэлэн байдлыг нэмэгдүүлэх чиглэлээр хамтран ажиллах боломжийн талаар хэлэлцлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/06/12
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2026/06/12
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2026/06/12
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
