Хойд бүсийн аврагч- нохой хөтлөгчийн давтан сургалтыг зохион байгууллаа
ОБЕГ-ын Гамшгаас хамгаалах сургалтын газар, Үндэсний аврах бригадын Эрэлч нохойн албанаас хойд бүсийн аймгуудын Онцгой байдлын байгууллагын “Аврагч- нохой хөтлөгч”-ийн давтан сургалтыг дөрөвдүгээр сарын 27-оос тавдугаар сарын 06-ны өдрүүдэд Орхон аймагт зохион байгууллаа.
Эрэн хайх, аврах чиглэлээр албаны нохой болон аврагч-нохой хөтлөгчдийг сургах, мэргэшүүлэх зорилготой тус сургалтад Дархан-Уул, Булган, Сэлэнгэ, Төв, нийслэлийн Аврах ангийн алба хаагчид, эрэлч нохойтойгоо хамрагдсан юм.
Сургалтаар эрэн хайх, аврах ажиллагааны онол, арга зүй, аврагч нохойтой ажиллах техник, дадлага, нуранги болон уул, хаданд төөрсөн иргэдийг эрэн хайх сургуулилт, багийн уялдаа холбоо, хамтын ажиллагаа, шуурхай удирдлага, зохион байгуулалтын дадлагыг хийж, үүрэг гүйцэтгэх чадавхиа дээшлүүллээ.
Ингэснээр орон нутгийн аврах ажиллагааны чадавхыг бэхжүүлэх, гамшгийн эрсдэлийг бууруулах, иргэдийн аюулгүй байдлыг хангах бэлтгэл, бэлэн байдал нэмэгдэх юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/05/06
Шинэ мэдээХэнтий аймагт ажиллаж, өвөлжилтийн бэлтгэл ажилтай танилцлаа
Шадар сайд, Улсын Онцгой комиссын дарга Н.Номтойбаяр Монгол Улсын Ерөнхий сайдын 10, 11 дүгээр албан даалгавар, Улсын Онцгой комиссын даргын 03 дугаар тушаалын хэрэгжилт, 2026-2027 оны өвөлжилтийн бэлтгэл, бэлэн байдлыг хангах ажлын хүрээнд өнөөдөр (2026.07.31) Хэнтий аймагт ажиллалаа.
2026/05/06
Шинэ мэдээБүсчилсэн хөгжил, гамшгийн эрсдэлийг бууруулах чиглэлээр хамтын ажиллагаагаа өргөжүүлэхээр санал солилцлоо
Түүнчлэн гамшгийн эрсдэлийг бууруулах, бэлэн байдлыг бэхжүүлэх, олон улсын дэвшилтэт технологи, хиймэл оюун ухааныг бодлого, төлөвлөлтөд нэвтрүүлэх, бүс нутгийн хамтын ажиллагааг хөгжүүлэх чиглэлээр үр дүнтэй хамтран ажиллахын ач холбогдлыг онцолж, ирэх наймдугаар сард зохион байгуулах “COP 17” бага хурлын бэлтгэл ажлыг Монгол Улсын Засгийн газар эрчимтэй хангаж буйг танилцууллаа.
2026/05/06
Шинэ мэдээХөдөлгөөнт болон завьт эргүүлүүд иргэдийн аюулгүй байдлыг ханган ажиллаж байна
Улсын хэмжээнд он гарсаар долоодугаар сарын 30-ны өдрийн байдлаар усны ослын 92 удаагийн тохиолдол бүртгэгдэж, төв, орон нутгийн Онцгой байдлын байгууллагын алба хаагчид 149 иргэний амь насыг авран хамгааллаа.
