Японы зүүн хойд эргийн ойролцоо даваа гарагт хүчтэй газар хөдлөлт болж, урьдчилсан байдлаар 7.4–7.5 магнитудын хүчтэй байсан гэж Япон-ы Цаг уурын агентлаг мэдээллээ.

Газар хөдлөлт орон нутгийн цагаар 16:53-д болсон бөгөөд 10 км-ийн гүнд үүссэн байна. Мөн энэ нь Японы 7 шатлалт газар хөдлөлтийн хэмжүүрээр дээд талын 5-р түвшинд бүртгэгдсэн гэж мэдээлжээ.

Үүний улмаас Иватэ муж болон Хоккайдо-гийн Номхон далайн эргийн бүсэд 3 метр хүртэл өндөр цунами үүсэх аюултайг анхааруулж, яаралтай сэрэмжлүүлэг гаргасан байна.

Одоогоор хохирол, эвдрэл болон цунамигийн бодит өндөрт хүрсэн эсэх талаар нарийвчилсан мэдээлэл тодорхой болоогүй байгаа бөгөөд холбогдох байгууллагууд нөхцөл байдлыг үргэлжлүүлэн хянаж байна.