ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг Хэнтий аймгийн Онцгой байдлын газарт ажиллалаа.

Ажиллах үеэрээ аймгийн Онцгой байдлын газар, Гал түймэр унтраах, аврах 32, 42 дугаар анги, Эрэн хайх, аврах салбарын үйл ажиллагаа болон албанд ашиглаж байгаа автомашин техник, тоног төхөөрөмж, багаж зэвсэглэмжтэй танилцаж, бэлтгэл бэлэн байдал, үүрэг гүйцэтгэлийн онцлог, тохиолдож байгаа гамшиг, осол, урьдчилан сэргийлэх арга хэмжээний талаар мэдээлэл сонслоо.

Мөн алба хаагчидтай уулзалт хийж, Онцгой байдлын байгууллагаас авч хэрэгжүүлж байгаа бодлого, хууль, эрх зүйн орчин, гадаад хамтын ажиллагаа, төсөл, хөтөлбөрүүдийн талаар танилцуулж, алба хаагчдын ёс зүй, бэлтгэл бэлэн байдал, ур чадварыг дээшлүүлэх үүрэг чиглэл, арга зүйн зөвлөгөө өгч ажилласан юм.