ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг НҮБ-ын Хөгжлийн хөтөлбөр (UNDP)-ийн Монгол дахь суурин төлөөлөгчийн газрын төлөөлөгчдийг хүлээн авч уулзлаа.

Энэ үеэр талууд иргэд, олон нийт, сайн дурын хэсгүүдийг чадавхжуулах замаар ой, хээрийн түймрээс урьдчилан сэргийлэх, бэлэн байдлыг хангах чиглэлээр хамтран хэрэгжүүлэх төслийн боломж, цаашдын хамтын ажиллагааны талаар санал солилцлоо.

Ташрамд дурдахад энэ онд Монгол Улсын Засгийн газар НҮБ-ын Хөгжлийн хөтөлбөртэй хэлэлцээр байгуулж, хамтран ажиллаж эхэлсний 50 жилийн ой тохиож байна.