Гамшгаас урьдчилан сэргийлэх үйл ажиллагааг орон нутгийн онцлогт тохируулан хэрэгжүүлэхийг үүрэг болголоо
Монгол Улсын Шадар сайд, УОК-ын дарга Х.Ганхуягаар ахлуулсан ажлын хэсэг Хангайн бүсийн аймаг, сумдын өвөлжилтийн нөхцөл байдал, орон нутагт тулгамдаж байгаа асуудлыг шийдвэрлэх, “Шинэ хоршоо–Чинээлэг малчин” хөтөлбөрийн хэрэгжилтийн явцтай танилцаж, санал, дүгнэлт боловсруулах хүрээнд орон нутагт ажиллаж байна.
Ажлын хэсэг өнөөдөр /2026.02.12/ Баянхонгор аймгийн Онцгой комиссын өргөтгөсөн хуралдаанд оролцож, аймгийн хэмжээнд гамшгийн эрсдэлийг бууруулах, урьдчилан сэргийлэх бодлого, арга хэмжээг орон нутагтаа хэрхэн бодитой хэрэгжүүлж, иргэдийн аюулгүй байдал, амь нас, эд хөрөнгийг хамгаалах үйл ажиллагаанд ямар хариу арга хэмжээ авч ажиллаж байгаа талаарх мэдээллийг сонсож, санал солилцлоо.
Баянхонгор аймгийн хэмжээнд хонин толгойд шилжүүлснээр 6.1 сая толгой мал өвөлжиж байгаа бөгөөд Өвөрхангай, Төв, Хэнтий, Говь-алтай, Говь-сүмбэр, Дорнод, Сүхбаатар, Улаанбаатар, Хөвсгөл, Сэлэнгэ, Дундговь, Дорноговь, Завхан аймгуудад 74 өрхийн 17 мянган толгой мал оторлож байна.
Энэ үеэр Монгол Улсын Шадар сайд Х.Ганхуяг “Тохиолдож болзошгүй гамшиг, ослоос урьдчилан сэргийлэх бодлого, арга хэмжээг орон нутагтаа бодитой хэрэгжүүлж, иргэдийн аюулгүй байдал, амь нас, эд хөрөнгийг хамгаалах үйл ажиллагаанд онцгой анхаарч ажиллахыг үүрэг болголоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/12
Шинэ мэдээГавьяат цол олгож, төрийн одон медалиар шагналаа
Мөн “Цэргийн гавьяаны улаан тугийн одон”-оор 1, “Цэргийн гавьяаны одон”-оор 2, “Цэргийн хүндэт медаль”-аар 10, “Шударга журам медаль”-аар 2 буюу нийт 15 алба хаагчийг шагналаа.
2026/02/12
Шинэ мэдээЕрөнхийлөгч У.Хүрэлсүх Онцгой байдлын байгууллагын ажилтан, алба хаагчидтай уулзлаа
Техник, тоног төхөөрөмж, автомашин, аврах ажиллагааны багаж хэрэгслийг өндөр бүтээмжтэй ашиглах, гамшигтай тэмцэх, эрэн хайх, аврах, гал унтраах ажиллагааг алдаа мадаггүй, шуурхай гүйцэтгэх мэдлэг, ур чадвараа тасралтгүй дээшлүүлэхийг Зэвсэгт хүчний Ерөнхий командлагч үүрэг болголоо.
2026/02/12
Шинэ мэдээОнцгой байдлын байгууллагын алба хаагчид 49.759 хүний амь нас, 2.8 их наяд төгрөгийн өмч хөрөнгийг авран хамгаалав
Монгол Улсын Засгийн газрын 2004 оны I тогтоолоор тухайн үеийн Гал түймэртэй тэмцэх газар, Улсын иргэний хамгаалалтын газар, Улсын нөөцийн газруудыг нэгтгэж гамшиг, ослоос урьдчилан сэргийлэх, авран хамгаалах, хойшлуулшгүй сэргээн босгох үйл ажиллагааг удирдан зохион байгуулах чиг зорилго бүхий Онцгой байдлын албыг байгуулснаас хойш 22 жил болж байна.
