Онцгой байдлын ерөнхий газар, Япон Улсын Олон улсын байгууллага (ЖАЙКА)-тай хамтран хэрэгжүүлж байгаа “Монгол Улсын газар хөдлөлтийн гамшгаас хамгаалах чадавхыг бэхжүүлэх төсөл-2"-ийн хүрээнд барилгын хүчитгэлийн сургалтын хэрэглэгдэхүүнийг боловсрууллаа. 

Тус сургалтын хэрэглэгдэхүүнийг өнөөдөр ОБЕГ-т хүлээлгэн өгсөн бөгөөд мод, тоосго зэрэг барилгын бүтээцийн төрлүүд болон хүчитгэсэн хүчитгээгүй барилгын ялгааг харуулсан 6 төрлийн сургалт, дадлагын хэрэглэгдэхүүн  (макет) гэдгээрээ онцлог.

Дээрх сургалтын хэрэглэгдэхүүнийг ОБЕГ-ын харьяа Гамшгаас хамгаалах сургалтын төв-116 дугаар анги, Дархан-Уул, Орхон аймгийн Онцгой байдлын газрууд 2024 онд хүлээлгэн өгч, сургалт, дадлагад ашиглаж байна.