Гамшгийн эрсдэлийг бууруулах орон нутгийн зөвлөлийн гишүүд сургалтад хамрагдлаа
Тайландын Хаант Улсын Бангкок хотноо Азийн гамшгийн бэлэн төвөөс зохион байгуулсан Гамшгийн эрсдэлийг бууруулах орон нутгийн зөвлөлийн гишүүдэд зориулсан “Тогтвортой хөгжил ба гамшгийн эрсдэлийн удирдлага” сэдэвт сургалтад орон нутгийн зөвлөлийн гишүүд хамрагдлаа.
Энэ сарын 09-13-ны өдрүүдэд үргэлжилсэн тус сургалтаар гамшгийн эрсдэлийн удирдлагын шинэ чиг хандлага, үзэл баримтлал, арга хэрэгсэл, олон улсын сайн туршлагын талаар цогц ойлголт олгох, гамшгийн эрсдэлийг бууруулах үйл ажиллагаанд дүн шинжилгээний болон стратегийн чадавхыг бэхжүүлэх, гамшгийн хохирлын үнэлгээ, олон улсын сайн туршлагыг Монгол Улсад хэрхэн нутагшуулах чиглэлээр санал солилцлоо.
Мөн онолын суурийг бодит кейс судалгаа, газар оронтой танилцах байдлаар судалж, эрсдэлийг бууруулах арга хэмжээг хэрэгжүүлэх туршлага хуримтлууллаа.
Гамшгийн эрсдэлийг бууруулах үндэсний зөвлөлийн Ажлын албанаас Гамшгийн эрсдэлийг бууруулах орон нутгийн зөвлөлийг чадавхжуулах, үйл ажиллагааг өргөжүүлэх, мэдлэг, ойлголтыг нэмэгдүүлэх, олон улсын бодлогын чиг хандлага, туршлага сургамж солилцох арга хэмжээг НҮБ-ын Гамшгийн эрсдэлийг бууруулах газар, Азийн Гамшгийн бэлэн байдлын төвтэй хамтран тогтмол зохион байгуулж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/16
Шинэ мэдээГавьяат цол олгож, төрийн одон медалиар шагналаа
Мөн “Цэргийн гавьяаны улаан тугийн одон”-оор 1, “Цэргийн гавьяаны одон”-оор 2, “Цэргийн хүндэт медаль”-аар 10, “Шударга журам медаль”-аар 2 буюу нийт 15 алба хаагчийг шагналаа.
2026/02/16
Шинэ мэдээЕрөнхийлөгч У.Хүрэлсүх Онцгой байдлын байгууллагын ажилтан, алба хаагчидтай уулзлаа
Техник, тоног төхөөрөмж, автомашин, аврах ажиллагааны багаж хэрэгслийг өндөр бүтээмжтэй ашиглах, гамшигтай тэмцэх, эрэн хайх, аврах, гал унтраах ажиллагааг алдаа мадаггүй, шуурхай гүйцэтгэх мэдлэг, ур чадвараа тасралтгүй дээшлүүлэхийг Зэвсэгт хүчний Ерөнхий командлагч үүрэг болголоо.
2026/02/16
Шинэ мэдээОнцгой байдлын байгууллагын алба хаагчид 49.759 хүний амь нас, 2.8 их наяд төгрөгийн өмч хөрөнгийг авран хамгаалав
Монгол Улсын Засгийн газрын 2004 оны I тогтоолоор тухайн үеийн Гал түймэртэй тэмцэх газар, Улсын иргэний хамгаалалтын газар, Улсын нөөцийн газруудыг нэгтгэж гамшиг, ослоос урьдчилан сэргийлэх, авран хамгаалах, хойшлуулшгүй сэргээн босгох үйл ажиллагааг удирдан зохион байгуулах чиг зорилго бүхий Онцгой байдлын албыг байгуулснаас хойш 22 жил болж байна.
