Цаг агаар:

Өнгөрсөн хоногт: Говь-Алтай аймгийн 1 суманд 0.5 мм, Завхан аймгийн 3 суманд 1 см, Өмнөговь аймгийн 12 суманд 0,5 мм, Ховд аймгийн 2 суманд 1 см цас орсон. Бусад нутгаар цаг агаар тогтуун байлаа. 

  Өнөөдөр: Ихэнх нутгаар багавтар үүлтэй, нийт нутгаар цас орохгүй, салхи баруун хойноос секундэд 5-10 метр, говь, талын нутгаар секундэд 12-14 метр хүрч ширүүснэ. Увс нуурын хотгор, Завхан, Заг-Байдраг голын эх, Идэр, Тэс голын хөндийгөөр -28...-33 градус, Дархадын хотгороор, Ерөө голын хөндий, Орхон-Туулын бэлчирээр -23...-28 градус, Хангай, Хөвсгөл, Хэнтийн уулархаг нутаг, Эг-Үүр, Орхон, Хараа голын хөндий, Дарьгангын тал нутгаар -19...-24 градус, Хангайн нурууны өвөр бэлээр -6...-11 градус, говийн бүс нутгийн өмнөд хэсгээр -10...-15 градус, бусад нутгаар -15...-20 градус хүйтэн байна.

  Улаанбаатар хотод:  Багавтар үүлтэй, цас орохгүй, салхи баруун хойноос секундэд 3-8 метр, -15...-17 градус хүйтэн байна.

Төлөв байдал:  08-нд Монгол-Алтайн уулархаг нутгаар, 09-нд Хангай, Хэнтийн уулархаг нутаг, Алтайн өвөр говиор ялимгүй цас орно. Бусад хугацаанд цас орохгүй. Салхи ихэнх хугацаанд секундэд 3-8 метр, 07-нд говь, талын нутгаар, 09-нд Алтайн уулс болон говийн бүс нутгаар, 10-нд нутгийн зарим газраар секундэд 12-14 метр хүрч ширүүснэ. Увс нуур болон Дархадын хотгор, Завхан, Заг-Байдраг голын эх, Идэр, Тэс, Ерөө голын хөндийгөөр шөнөдөө -39...-44 градус, өдөртөө -27...-32 градус, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -32...-37 градус, өдөртөө -20...-25 градус, Хангайн нурууны өвөр бэлээр -15...-20 градус, өдөртөө -4...-9 градус, говийн бүс нутгаар шөнөдөө -20...-25 градус, өдөртөө -9...-14 градус, бусад нутгаар шөнөдөө -25...-30 градус, өдөртөө -14...-19 градус хүйтэн байна. 08-наас ихэнх нутгаар хүйтний эрч суларна.

Гал түймэр:

Дархан-Уул аймаг, Хонгор сум /аймгийн төвөөс урд зүгт 24 км-т, сумын төвд/ суудлын автомашин шатаж байна гэсэн дуудлагыг 02.05-ны өдрийн 10:49 цагт хүлээн авсан.  Тус аймгийн Онцгой байдлын газрын 22 дугаар ангийн алба хаагчдыг очиход иргэн Б-ийн “Prius-20” загварын автомашин бүрэн шатаж байсныг ажиллаж унтраасан.

Хөвсгөл аймаг, Мөрөн сум Эрчим баг байшин шатаж байна гэсэн дуудлагыг 02.05-ны  өдрийн 14:54 цагт хүлээн авсан.   Тус аймгийн Онцгой байдлын газрын 27 дугаар ангийн  алба хаагчдыг очиход иргэн Г-ын 12х9 метрийн хэмжээтэй 2 давхар байшин шатаж байсныг ажиллаж унтраасан.

Говьсүмбэр аймаг, Сүмбэр сум авто засварын газар шатаж байна гэсэн дуудлагыг 02.05-ны өдрийн 19:02 цагт хүлээн авсан.  Тус аймгийн Онцгой байдлын газрын 37 дугаар ангийн алба хаагчдыг очиход иргэн Т-ийн 20х10 метрийн хэмжээтэй авто засварын газрын барилга шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР