“Дунд өргөрөгийн бүсийн сүлжээний 2025 оны олон улсын ээлжит бага хурал”-ын “Уулархаг бүс нутаг, мөсөн голд учрах аюул болон эрт зарлан мэдээллийн систем” сэдэвт салбар хуралдаанд ОБЕГ-ын Эрсдэлийн удирдлагын газрын хэлтсийн дарга, хурандаа Д.Базаррагчаа “Удаан өрнөлтэй гамшгийн аюулын эрт зарлан мэдээлэл” сэдэвт илтгэл танилцуулж, хэлэлцүүллээ.

Тус бага хурлыг энэ сарын 04-05-ны өдрүүдэд БНСУ-ын Солонгосын их сургууль, МУИС, ШУА-ын Газарзүй, геоэкологийн хүрээлэн, Хас банк, Далайд гарцгүй хөгжиж буй улс орнуудын олон улсын судалгааны төвөөс хамтран зохион байгуулсан юм.

 “Тогтвортой ирээдүйн төлөө: Нүүрстөрөгчийн саармагжилт ба тогтвортой засаглалын шийдлүүд” сэдвийн хүрээнд оролцогчид өөрийн улс орнуудын туршлагаа солилцон, харилцан мэдээллээ хуваалцсан байна.