Та өөрийн амьдарч байгаа газар, ажиллаж байгаа орчныхоо аюулгүй байдлыг шалгаж, гамшгаас хамгаалах мэдлэг, мэдээллээ дээшлүүлдэг үү.

Онцгой байдлын байгууллагаас сар бүрийн сүүлийн 7 хоногийн пүрэв гарагийг “Аюулгүй байдлаа шалгах өдөр” болгон зарлаж, гамшгаас хамгаалах мэдлэгийг анхан шатанд эзэмшүүлэх, өөрийн болоод орчны аюулгүй байдлыг үнэлж, эрсдэлийг тооцон, урьдчилан сэргийлэх арга хэмжээг хэрэгжүүлэх http://quiz.belenbai.mn/ сайтыг нээн ажиллуулж байгаа билээ.

“Аюулгүй байдлаа шалгах өдөр” өнөөдөр буюу долоодугаар сарын 31-нд тохиож байгаа тул  иргэд, аж, ахуйн нэгж байгууллагыг  http://quiz.belenbai.mn/ сайтад хандан, өөрийн болоод өрх гэр, албан байгууллагынхаа эрсдэлийг тооцож, хариу арга хэмжээг хэрэгжүүлэхийг зөвлөж байна.

Мөн тус үйлчилгээг "И Монголиа" апплейкшны "Онцлох цэс" булангаас авах боломжтой юм.

Онцгой байдлын ерөнхий газраас гаргасан тус системийг энэ оны нэгдүгээр сарын 28-нд ашиглалтад оруулсан бөгөөд долоодугаар сарын 30-ны өдрийн байдлаар 10.420 байгууллага,  16.204 өрх, 28.433 иргэн буюу нийт 55.057 хүн хандаж, мэдлэг, мэдээллээ дээшлүүлснээс Баянхонгор, Орхон, Хэнтий аймгууд тэргүүлж байна.