Эрик хар салхины улмаас Мексикт хоёр хүн амь насаа алджээ
АНУ-ын Хар салхины аюулаас сэргийлэх үндэсний төвийн мэдээлснээр, Номхон далайгаас Мексикийн эрэг рүү ойртсоор буй “Эрик” хар салхины хүч 4-р зэрэглэл буюу “маш аюултай” түвшинд хүрсэн байна.
Хар салхи Оахака болон Герреро мужид хүрэх төлөвтэй байгааг урьдчилан сэрэмжлүүлсэн бөгөөд иргэдийг аюул, эрсдэлээс сэргийлэн гэрээсээ гарахгүй байхыг зөвлөж байсан. Мөн Чьяпас, Герреро, Оаксака мужид түр хоргодох 2000 байр бэлдэж, аврах ажиллагаанд зориулан 18,000 гаруй албан хаагчийг дайчлаад байсан юм.
Эрик хар салхи өчигдөр /2025.06.20/ Мексикийн өмнөд хэсгийг дайран өнгөрсний улмаас эрэг орчмын оршин суугчдад их хэмжээний хохирол учирч, Герреро болон Оаксака мужид нэг хүүхэд, нэг том хүн амь насаа алдсан байна.
Түүнчлэн ойролцоох Чакахуа тосгонд их хэмжээний хохирол учруулжээ. Хар салхины улмаас тосгоны барилга байшингууд нурж, цахилгаан тасарч, ундны ус, хүнсний хомсдолд орсон байна.
Мексик улсад хар салхины улирал энэ жил зургаадугаар сараас арваннэгдүгээр сар хүртэл үргэлжлэх бөгөөд “Эрик” нь эхний хар салхи болж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/06/21
Шинэ мэдээГамшигт тэсвэртэй дэд бүтцийг хөгжүүлэхэд шинжлэх ухаан, судалгааны нотолгоо чухал үүрэгтэйг харууллаа
Онцгой байдлын ерөнхий газар, Гамшиг судлалын үндэсний хүрээлэн хамтран зохион байгуулсан “Гамшигт тэсвэртэй дэд бүтэц – Disaster Resilient Infrastructure 2025” олон улсын эрдэм шинжилгээний хурлын үеэр Монгол Улс болон олон улсын судлаачид гамшгийн эрсдэлийг бууруулах, хотын дэд бүтцийг тэсвэржүүлэх чиглэлээр зочин илтгэл 1, үндсэн 17 илтгэл, ханын 9 илтгэлийг хэлэлцүүллээ.
2025/06/21
Шинэ мэдээГамшгаас хамгаалах бэлтгэл, бэлэн байдлыг бэхжүүлэхэд хамтран ажиллахаар боллоо
Уулзалтын үеэр Монгол Улсын Онцгой байдлын байгууллага, АНУ-ын Армийн хамтарсан агаараас болон уснаас аврах дадлага сургуулийг 2026 онд зохион байгуулах, Баян-Өлгий, Ховд аймагт гамшгаас хамгаалах бэлтгэл, бэлэн байдлыг бэхжүүлэхэд хамтран ажиллахаар тохиролцсон юм.
2025/06/21
Шинэ мэдээБайгалийн гамшигтай тэмцэх үндэсний чадавхыг дээшлүүлэхэд хамтран ажиллана
Байгалийн гамшигтай тэмцэх үндэсний чадавхыг дээшлүүлэхэд чиглэсэн, гамшгийн эрсдэлийг үнэлэх, бууруулах стратеги, арга зүй боловсруулахад техникийн туслалцаа үзүүлэх хамтарсан төсөл хэрэгжүүлэх ба байгалийн гамшгийн үед харилцан туслалцаа үзүүлж, энэ салбарын бусад харилцан сонирхол илэрхийлсэн чиглэлүүдээр хамтран ажиллана.
