Доминиканы Бүгд Найрамдах Улсын нийслэл Санто-Доминго хотын шөнийн клубийн дээвэр нурсны улмаас 124 хүн амиа алдаж, 150 гаруй хүн гэмтэж бэртжээ. Аврагчид амьд үлдсэн хүмүүсийг олоход 24-36 цагийн хугацаа үлдээд байна гэж аврах албаны дарга Хуан Мануэль Мендес мэдээлсэн байна.
Доминиканы Ерөнхийлөгч Луис Абинадер ослын газарт очиж, амиа алдсан хүмүүсийн гэр бүлд гүн эмгэнэл илэрхийлжээ.
Санто-Доминго хотын "Jet Set" шөнийн клубийн дээвэр дөрөвдүгээр сарын 8-ны мягмар гарагийн шөнө нэрт меренге дуучин Рубби Перезийн тоглолтын үеэр гэнэт нурсан байна. Дээвэр нурах үед шөнийн клубт мянга орчим хүн байсан байж магадгүй гэж хэвлэлүүд мэдээлж байна.
Амиа алдсан хүмүүсийн тоо нэмэгдэж магадгүй гэж аврах албаны дарга мэдэгдэж, нуранги дор олон хохирогч байсаар байгаа бөгөөд тэднийг аварч чадна гэж найдаж байгаагаа тэрбээр илэрхийлжээ. Эрэн хайх, аврах ажиллагаанд 400 орчим аврагч оролцож байгаа аж.
“Jet Set” бол Санто-Доминго дахь алдартай шөнийн клуб бөгөөд даваа гарагийн үдэш бүр урлагийн тоглолтуудыг зохион байгуулдаг аж. Рубби Перезийн тоглолтод тус улсын улстөрчид, тамирчид болон бусад нэр хүндтэй хүмүүс хүрэлцэн ирсэн байжээ. Хохирогчдын дунд Монте-Кристи мужийн захирагч Нельси Круз байсан бөгөөд тэрбээр эмнэлэгт хүргэгдсэнийхээ дараа нас барсан байна.
Доминиканы Бүгд Найрамдах Улс бол жуулчдыг хамгийн их татдаг Карибын тэнгисийн орнуудын нэг юм. Тус улсын эрх баригчдын мэдээлснээр, өнгөрсөн онд 11 сая орчим жуулчин иржээ.
Эх сурвалж:montsame.mn
calendar_today2025/04/10
Шинэ мэдээУлсын хэмжээнд өнөөдрийн /2025.05.14/ байдлаар объектын гал түймрийн 2070 тохиолдол бүртгэгдснээс 309 буюу 15 хувийг өнжмөл шар өвсний түймэр эзэлж байна.
calendar_today2025/04/10
Шинэ мэдээТус кино компанийнхан Онцгой байдлын байгууллагын алба хаагчдын эр зориг, хүнлэг сэтгэл, тэдний ар гэрийнхний тэвчээр хатуужил, түгшин хүлээх сэтгэлийн тэнхээг цэнхэр дэлгэцнээ мөнхөлсөн “Халуун бороо” уран сайхны киног Гал түймэр унтраах, аврах 10 дугаар ангийн 100 жилийг ойг угтан бүтээж, үзэгчдийн хүртээл болгоод удаагүй байгаа билээ.
calendar_today2025/04/10
Шинэ мэдээХэнтий, Дорнодын нийт, Хөвсгөл, Дархан-Уул, Говьсүмбэрийн ихэнх, Увс, Говь-Алтай, Булган, Сэлэнгэ, Төв, Өмнөговь, Дорноговийн цөөн сумдын нутгаар хэвийн байна.
Та манай үйл ажиллагаатай холбоотой шинэ мэдээлэл тогтмол авч байхыг хүсвэл и-мэйл хаягаа бүртгүүлнэ үү.
2023 © ЗОХИОГЧИЙН ЭРХ ХУУЛИАР ХАМГААЛАГДСАН. МЭДЭЭЛЭЛ ХУУЛБАРЛАХ ХОРИОТОЙ
Вэбсайтыг “Грийнсофт” ХХК хөгжүүлэв