Цаг агаар:
Өнгөрсөн хоногт: Булган, Сэлэнгэ Төв, Сүхбаатар аймагт цас орж Бусад нутгаар цаг агаар тогтуун байлаа.
Өнөөдөр: Нутгийн зүүн хагаст солигдмол үүлтэй, бусад нутгаар багавтар үүлтэй. Хэнтийн уулархаг нутаг, Дорнод-Дарьгангын тал нутаг, Онон, Улз, Халх голын хөндийгөөр нойтон цас, цас орж, явган шуурга шуурна. Бусад нутгаар хур тунадас орохгүй. Салхи нутгийн зүүн хагаст баруун өмнөөс хойш эргэж, бусад нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр хүрч ширүүсэж, явган шуурга шуурна. Увс нуурын хотгор, Тэс голын хөндийгөөр 0…-5 градус хүйтэн, Дархадын хотгор, Монгол-Алтайн уулархаг нутаг, Завхан голын эх, Хүрэнбэлчир орчим, Идэр, Тэрэлж, Онон, Улз, Халх голын хөндийгөөр +1…+6 градус, Их нууруудын хотгор, Эг-Үүр голын хөндий, говийн бүс нутгийн баруун өмнөд хэсгээр +12…+17 градус, бусад нутгаар +6...+11 градус дулаан байна.
Улаанбаатар хотод: Үүл багасна, хур тунадас орохгүй, салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. +6…+8 градус
Төлөв байдал: 2-нд Алтай, Хангай, Хөвсгөлийн уулархаг нутгаар, 3-нд баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн баруун хэсгээр, 4-нд зүүн аймгуудын нутгийн зарим газраар нойтон цас орж, явган шуурга шуурна. Салхи 2-нд Алтайн уулархаг нутгаар, 3-нд нутгийн зарим газраар, 4-нд говь, тал, хээрийн нутгаар секундэд 14-16 метр хүрч ширүүсэж, явган шуурга шуурна. Увс нуурын хотгор, Завхан голын эх, Тэс голын хөндийгөөр шөнөдөө -17...-22 градус хүйтэн, өдөртөө -3...+2 градус дулаан, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр голын хөндийгөөр шөнөдөө -10…-15 градус хүйтэн, өдөртөө +2...+7 градус дулаан, Орхон-Сэлэнгийн сав газар, говийн бүс нутгийн өмнөд хэсгээр шөнөдөө +1...-4 градус хүйтэн, өдөртөө +15…+20 градус дулаан, бусад нутгаар шөнөдөө -4…-9 градус хүйтэн, өдөртөө +8...+13 градус дулаан байна. 3-нд ихэнх нутгаар сэрүүснэ.
Гал түймэр:
Нийслэлийн Чингэлтэй дүүргийн 22 дугаар хороонд гэр шатаж байна гэсэн дуудлагыг 03.31-ний өдрийн 09:45 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Ө-гийн 5 ханатай гэр шатаж байсныг ажиллаж унтраасан.
Булган аймгийн Хангал сумын Сөрт багийн “Цагаан бургас” гэдэг газар /аймгийн төвөөс зүүн хойд зүгт 150 км-т, сумын төвөөс зүүн хойд зүгт 40 км-т/ байшин шатаж байна гэсэн дуудлагыг 03.31-ний өдрийн 11:05 цагт хүлээн авсан. Тус аймгийн Онцгой байдлын газрын Хангал сумын Хялганат тосгон дахь 50 дугаар ангийн алба хаагчдыг очиход иргэн Б-гийн 6 ханатай гэр, 2х3 метрийн хэмжээтэй байшингийн дээвэр шатаж байсныг ажиллаж унтраасан.
Өмнөговь аймгийн Даланзадгад сумын Зүүн сайхан багт гэр шатаж байна гэсэн дуудлагыг 03.31-ний өдрийн 11:23 цагт хүлээн авсан. Тус аймгийн Онцгой байдлын газрын 21 дүгээр ангийн алба хаагчдыг очиход иргэн Х-гийн 5 ханатай гэр шатаж байсныг ажиллаж унтраасан.
Хан-Уул дүүргийн 23 дугаар хороонд шар өвс шатаж байна гэсэн дуудлагыг 03.31-ний өдрийн 13:35 цагт хүлээн авсан. Тус дүүргийн Онцгой байдлын хэлтсийн 30 дугаар ангийн алба хаагчдыг очиход иргэн Э-гийн аж ахуйн газрын 150 ширхэг дээврийн хөөсөнцөр шатаж байсныг ажиллаж унтраасан.
Хан-Уул дүүргийн 3 дугаар хороонд шар өвс шатаж байна гэсэн дуудлагыг 03.31-ний өдрийн 14:22 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчдыг очиход иргэн Ц-гийн хашаанд шар өвс шатаж байсныг ажиллаж унтраасан.
Архангай аймгийн Эрдэнэбулган сумын Тамир багт хог шатаж байна гэсэн дуудлагыг 03.31-ний өдрийн 15:07 цагт хүлээн авсан. Тус аймгийн Онцгой байдлын газрын 51 дүгээр ангийн алба хаагчдыг очиход иргэн Ц-гийн хашаанд 10 боодол /200 кг/ өвс шатаж байсныг ажиллаж унтрасан.
Дархан-Уул аймгийн Дархан сумын Малчин багт хашаа шатаж байна гэсэн дуудлагыг 03.31-ний өдрийн 15:20 цагт хүлээн авсан. Тус аймгийн Онцгой байдлын газрын 54 дүгээр ангийн алба хаагчдыг очиход иргэн Д-гийн хашаанд шар өвс, 4х2 метрийн хэмжээтэй амбаар шатаж байсныг ажиллаж унтраасан.
Сонгинохайрхан дүүргийн 35 дугаар хороонд амбаар шатаж байна гэсэн дуудлагыг 03.31-ний өдрийн 16:20 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Ш-ийн 2х2 метрийн хэмжээтэй амбаар шатаж байсныг ажиллаж унтраасан.
Сэлэнгэ аймгийн Хүдэр сумын Баянцагаан багт өвс шатаж байна гэсэн дуудлагыг 03.31-ний өдрийн 17:12 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчдыг очиход иргэн Б-гийн 250 ширхэг боодолтой /5 тонн/ өвс шатаж байсныг ажиллаж унтраасан.
Завхан аймгийн Улиастай сумын Жинст багт байшин шатаж байна гэсэн дуудлагыг 03.31-ний өдрийн 18:12 цагт хүлээн авсан. Тус аймгийн Онцгой байдлын газрын 43 дугаар ангийн алба хаагчдыг очиход иргэн Б-гийн 12х12 метрийн хэмжээтэй 2 давхар байшин шатаж байсныг ажиллаж унтраасан.
Сонгинохайрхан дүүргийн 39 дүгээр хороонд байшин шатаж байна гэсэн дуудлагыг 03.31-ний өдрийн 19:23 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Д-гийн 7х7 метрийн хэмжээтэй байшингийн дээвэр шатаж байсныг ажиллаж унтраасан.
Хүний үйл ажиллагаатай холбоотой осол:
Нуурын мөс цөмөрсөн: Архангай аймгийн Өгийнуур сумын Өгий багийн "Мэргэн шанаа" гэдэг газар /аймгийн төвөөс зүүн зүгт 130 км, сумын төвөөс зүүн хойд зүгт 30 км/ иргэн Э нь суудлын автомашинтай нуурын мөсөн дээр зорчиж яваад цөмөрсөн тухай дуудлагыг 21:05 цагт хүлээн авсан. Тус аймгийн Онцгой байдлын газрын Эрэн хайх аврах салбарын алба хаагчдыг очиход иргэн Э-гийн эзэмшлийн “Hilux” загварын автомашин нуурын эргээс 150 метрийн зайтай Өгий нуурын усанд цөмөрч живсэн байсныг татан гаргасан.
ОНЦГОЙ БАЙДЛЫН ЕРӨНХИЙ ГАЗАР
2025/04/01Шинэ мэдээ
Мьянмарын ардчиллыг дэмжигч Үндэсний эв нэгдлийн засгийн газар хоёр долоо хоногийн хугацаанд гал зогсоож байгаагаа бямба гарагт мэдэгджээ. Цэргийнхний мэдээлснээр, газар хөдлөлтийн улмаас амиа алдсан хүмүүсийн тоо 3003-д хүрч, 4515 хүн гэмтэж бэртсэнээс гадна 351 хүн сураггүй хэвээр байна.
2025/04/01Шинэ мэдээ
Энэ удаагийн сургалт, дадлага нь Туул гол дагуу завьт эргүүлээр үүрэг гүйцэтгэдэг анги, байгууллагын алба хаагчдыг хамруулж байгаа гэдгээрээ онцлогтой.
2025/04/01Шинэ мэдээ
Бие бүрэлдэхүүний бэлтгэл, бэлэн байдлыг дээшлүүлэх хүрээнд чиглэлийн сургалт, дадлагыг тогтмол зохион байгуулж байгааг онцоллоо