Бүгд Найрамдах Турк Улс нь олон улсын түвшний боловсролын боломж, баялаг мэдлэг туршлагаас гадна дэлхийн өнцөг булан бүрээс ирсэн олон улсын оюутнуудад Туркийн хамгийн нэр хүндтэй их, дээд сургуульд суралцах тэтгэлэг олгодог.
Türkiye Scholarships нь Засгийн газраас санхүүжүүлдэг, өрсөлдөөнт тэтгэлэгт хөтөлбөр бөгөөд шилдэг оюутан, судлаачдад Туркийн шилдэг их дээд сургуулиудад урт болон богино хугацааны хөтөлбөрт хамруулах зорилгоор олгодог юм.
Тус тэтгэлэг нь улс орнуудын хамтын ажиллагаа, нийгэм хоорондын харилцан ойлголцлыг бэхжүүлэх зорилготой ирээдүйн удирдагчдын сүлжээг бий болгох зорилготой.
Тэтгэлэгт хөтөлбөрт бакалаврын түвшинд 21, магистрын түвшинд 30, докторын түвшинд 35-аас доош насны иргэд бүртгүүлэх боломжтой. Зарим их, дээд сургуулийн сургалт, мэргэжлийн онцлогоос шалтгаалан англи хэлний түвшин тогтоох шалгалтын оноо (SAT, TOEFL, DELF, YDS) шаарддаг бөгөөд түвшин тогтоох шалгалтын оноогүй иргэдийн бүртгэлийг тухайн ангилалд нь сонгон шалгаруулах боломжгүй.
Бүртгүүлсэн сонсогч, алба хаагчийг сонгон шалгаруулахад тэтгэлэг горилсон их, дээд сургууль болон мэргэжлийн онцлогт тус тус үндэслэн тухайн сонсогчийн сурлагын түвшин, нийгмийн идэвх, гаргасан амжилт зэргийг харгалзан үздэг. Тэтгэлэг горилох их, дээд сургууль, мэргэжлийн чиглэлийг сонгохдоо тухайн иргэний суурь боловсролын чиглэлийг үндэслэн систем автоматаар тохирох сургууль болон мэргэжлийн жагсаалтыг гаргаж ирэх бөгөөд уг жагсаалтаас гадуур сургууль, мэргэжил сонгох боломжгүй юм.
Тэтгэлэгт багтах зүйлс:
1. Сургалтын төлбөр
2. Сургалтын байр, анги танхим, тоног төхөөрөмж
3. Дотуур байр
4. Сар бүрийн стипенд
5. Эрүүл мэндийн даатгал
6. Турк хэлний бэлтгэл хөтөлбөр
Өргөдөл гаргах хугацаа: 2025 оны нэгдүгээр сарын 10-аас хоёрдугаар сарын 20 хүртэл.
Бүртгэлийг https://tbbs.turkiyeburslari.gov.tr/, дэлгэрэнгүй мэдээллийг https://www.turkiyeburslari.gov.tr/scholarshipsprograms холбоосоор авах боломжтой.
Мэдээллийг ОБЕГ-ын Гадаад хамтын ажиллагааны хэлтсийн ахлах мэргэжилтэн, дэд хурандаа Э.Амгалан (98118441, 263567) -аас тодруулна уу.
2025/01/20Шинэ мэдээ
Уур амьсгалын ногоон сангийн дэмжлэгтэйгээр хэрэгжүүлж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадавхыг бэхжүүлэх” (АДАПТ) төслийн хүрээнд “Гамшгийн эрсдэлийн удирдлага” гарын авлагыг 2023 онд гамшгийн эрсдэлийг бууруулах үндэсний болон орон нутгийн зөвлөл, гамшгаас хамгаалах албадын бүрэлдэхүүнд зориулан боловсруулсан.
2025/01/20Шинэ мэдээ
Сүхбаатар аймгийн Эрдэнэцагаан суманд гарсан хээрийн түймэрт 7 айл өрхийн гэр шатсан бөгөөд 153 толгой мал өртсөн гэх урьдчилсан дүн гараад байна.
2025/01/20Шинэ мэдээ
Сургалт танхим болон дадлага гэсэн хоёр хэлбэрээр явагдсан бөгөөд утаат орчинд гал түймэр унтраах хайгуулын ажиллагаа зохион байгуулах, амьсгалын бие даасан төхөөрөмжтэй ажиллах дадлага, сургалтыг Налайх дүүргийн Онцгой байдлын хэлтсийг түшиглэн хийсэн юм.