Цаг агаар:

Өнгөрсөн хоногт: Завхан, Увс, Ховд, Хөвсгөл аймгуудын нутгаар цас орж, бусад нутгаар цаг агаар тогтуун байлаа.

Өнөөдөр: Нутгийн зүүн хэсгээр үүлэрхэг, бусад нутгаар солигдмол үүлтэй. Баруун аймгуудын нутгийн зүүн хойд, төвийн аймгуудын нутгийн хойд хэсгээр цас орно. Бусад нутгаар цас орохгүй. Салхи нутгийн баруун хагаст баруун хойноос, нутгийн зүүн хагаст баруун өмнөөс секундэд 5-10 метр. Монгол-Алтай, Их нуурууд болон Дархадын хотгор, Завхан голын эх, Идэр, Тэс, Байдраг, Ерөө, Халх голын хөндийгөөр -18…-23 градус, Хангай, Хөвсгөлийн уулархаг нутаг, Хүрэнбэлчир орчим, Орхон, Сэлэнгэ, Хараа, Хэрлэн голын хөндийгөөр -13…-18 градус, говийн бүс нутгийн өмнөд хэсэг болон цас багатай энгэр ээвэр газраар -4...-9 градус, бусад нутгаар -9...-14 градус хүйтэн байна.

Улаанбаатар хотод: Үүлэрхэг. Цас орохгүй. Салхи баруун өмнөөс секундэд 3-8 метр. Өдөртөө -11…-13 градус хүйтэн байна.

Төлөв байдал: 19-нд төв болон говийн аймгуудын нутгийн зүүн, зүүн аймгуудын нутгийн баруун хойд хэсгээр, 20-нд нутгийн зүүн өмнөд хэсгээр, 22-нд Монгол-Алтайн уулархаг нутгаар цас орно. Салхи 19, 20-нд говь, тал, хээрийн нутгаар секундэд 12-14 метр хүрч ширүүснэ. 19-23-нд Дархадын хотгор, Завхан голын эх, Тэс, Байдраг голын хөндийгөөр шөнөдөө -36...-41 градус, өдөртөө -25...-30 градус, Увс нуурын хотгор, Монгол-Алтай, Хангай, Хөвсгөлийн уулархаг нутаг, Хүрэнбэлчир орчим, Идэр, Орхон, Сэлэнгэ, Хараа, Ерөө, Туул, Тэрэлж, Халх голын хөндийгөөр шөнөдөө -30...-35 градус, өдөртөө -20...-25 градус, Хэнтийн уулархаг нутаг, Эг, Үүр, Хэрлэн, Онон, Улз голын хөндийгөөр шөнөдөө -25...-30 градус, өдөртөө -15...-20 градус, говийн бүс нутгийн өмнөд хэсэг, цас багатай газраар шөнөдөө -14...-19 градус, өдөртөө -5…-10 градус, бусад нутгаар шөнөдөө -20…-25 градус, өдөртөө -11...-16 градус хүйтэн байна.

Гал түймэр: 

Нийслэлийн Сонгинохайрхан дүүргийн 7 дугаар хороонд яндангийн хэсэг шатаад байна гэсэн дуудлагыг 23:37 цагт хүлээн авсан. Тус дүүргийн Онцгой байдлын хэлтсийн 29 дүгээр ангийн алба хаагчдыг очиход иргэн О-гийн 5 ханатай гэрийн үүдний 4х6 метрийн хэмжээтэй амбаарын яндангийн хэсэг шатаж иргэд унтраасан байсныг анги шалгаад буцсан.

Сонгинохайрхан дүүргийн 39 дүгээр хороонд байшин шатаж байна гэсэн дуудлагыг 16:38 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход, иргэн М-ийн 8х9 метрийн хэмжээтэй байшингийн дээврийн яндангийн хэсэгт гал гарч иргэд унтраасан байсныг анги шалгаад буцсан.

Сонгинохайрхан дүүргийн 29 дүгээр хороонд барилгаас утаа гарч байна гэсэн дуудлагыг 13:53 цагт хүлээн авсан. Тус дүүргийн Онцгой байдлын хэлтсийн 29 дүгээр ангийн алба хаагчдыг очиход үйлчилгээний төвийн 4 давхарт цахилгааны утас шатаж иргэд унтраасан  байсныг анги шалгаад буцсан.

Налайх дүүргийн 6 дугаар хороонд байшин шатаж байна гэсэн дуудлагыг 10:47 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход иргэн Н-ийн 6х8 метрийн хэмжээтэй байшин, эд зүйлийн хамт шатаж байсныг ажиллаж унтраасан.

Баянзүрх дүүргийн 16 дугаар хороонд хогийн суваг шатаж байна гэсэн дуудлагыг 11:58 цагт хүлээн авсан. Тус дүүргийн Онцгой байдлын хэлтсийн 63 дугаар ангийн алба хаагчдыг очиход тус байрны хогийн сувагт хог шатаж байсныг ажиллаж унтраасан.

Налайх дүүргийн 3 дугаар хороонд автомашин шатаж байна гэсэн дуудлагыг 12:01 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход иргэн Б-гийн "Porter" загварын автомашины хөдөлгүүрийн хэсэг шатаж байсныг ажиллаж унтраасан.

Баянзүрх дүүргийн 29 дүгээр хороонд байшин шатаж байна гэсэн дуудлагыг 12:21 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Б-гийн 8х14 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Төв аймгийн Аргалант сумын 2 дугаар багт гал гарч байна гэсэн дуудлагыг 13:05 цагт хүлээн авсан. Баянгол, Сонгинохайрхан дүүргийн Онцгой байдлын хэлтсийн 18 дугаар ангийн алба хаагчдыг очиход иргэн Ц-гийн өөх боловсруулах үйлдвэрийн 80х24 метрийн хэмжээтэй объектын дээврийн хэсэг, залгаа баригдсан 3х4 метрийн хэмжээтэй галлагааны өрөө бүрэн шатаж байсныг ажиллаж унтраасан.

Увс аймгийн Улаангом сумын 10 дугаар багт граж шатаж байна гэсэн дуудлагыг 18:00 цагт хүлээн авсан. Тус аймгийн Онцгой байдлын газрын 41 дүгээр ангийн алба хаагчдыг очиход, 6х5 харьцаатай гражийн дээвэр хэсэг шатаж байсныг ажиллан унтрааж, иргэн Л-д хүлээлгэн өгсөн.

Хан-Уул дүүргийн 13 дугаар хороонд байшин шатаж байна гэсэн дуудлагыг 18:35 цагт хүлээн авсан. Тус дүүргийн Онцгой байдлын хэлтсийн 65 дугаар ангийн алба хаагчдыг очиход иргэн А-гийн 7х15 метрийн хэмжээтэй байшингийн 1х2 метрийн хэмжээтэй галлагааны хэсгийн хана, тааз хэсэг шатаж байсныг ажиллаж унтраасан.

Өвөрхангай аймгийн Хархорин сумын Ганган-Орхон багт гэр шатаж байна гэсэн дуудлагыг 20:07 цагт хүлээн авсан. Тус аймгийн Онцгой байдлын газрын 45 дугаар ангийн алба хаагчдыг очиход 5 ханатай гэр, эд зүйлийн хамт шатаж байсныг ажиллан унтрааж, иргэн У-д хүлээлгэн өгсөн.

Баян-Өлгий аймгийн Өлгий сумын Ховд гол 5 дугаар багт зоогийн газар шатаж байна гэсэн дуудлагыг 20:08 цагт хүлээн авсан. Тус аймгийн Онцгой байдлын газрын 31 дүгээр ангийн алба хаагчдыг очиход 15х6 хэмжээтэй зоогийн газар шатаж байсныг ажиллан унтраасан.

Сэлэнгэ аймгийн Мандал сумын Ширхэнцэг багт гэр шатаж байна гэсэн дуудлагыг 21:21 цагт хүлээн авсан. Тус аймгийн Онцгой байдлын газрын 19 дүгээр ангийн алба хаагчдыг очиход 4 ханатай гэр, эд зүйлийн хамт шатаж байсныг ажиллан унтраасан.

Баянзүрх дүүргийн 2 дугаар хороонд утаа гараад байна гэсэн дуудлагыг 23:32 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход, тус байрны 1 давхрын агааржуулалтын хоолой шатаж их хэмжээний утаа 11, 12 дугаар давхарт хуралдсан байсныг агаарыг сэлгэн ажиллаж унтраасан. Тухайн байрны 12 давхрын оршин суугч иргэн О /27 настай, эрэгтэй/, У /22 настай, эмэгтэй/, Т /1 настай, эмэгтэй/, мөн хаяг тодорхойгүй 16 настай, эрэгтэй нар угаартсан байсныг НЯТТ-ын их эмчид хүлээлгэн өгсөн. Утаажилтын бүсээс 45 /том хүн-37, хүүхэд-8/ гаргасан.

Өмнөговь аймгийн Даланзадгад сумын Хан-Уул багт гэр шатаж байна гэсэн дуудлагыг 03:45 цагт хүлээн авсан. Тус аймгийн Онцгой байдлын газрын 21 дүгээр ангийн алба хаагчдыг очиход эзэмшигч нь тодорхойгүй 5 ханатай гэр шатаж байсныг ажиллан унтраасан

ОНЦГОЙ БАЙДЛЫН ЕРӨНХИЙ ГАЗАР