Цаг агаар:

Өнгөрсөн хоногт: Хоногийн хугацаанд Говь-Алтай, Завхан аймагт цас орсон. Бусад нутгаар цаг агаар тогтуун байлаа.

Өнөөдөр: Нутгийн хойд хэсгээр үүлшинэ, бусад нутгаар багавтар үүлтэй. Увс нуурын хотгор болон Хөвсгөл, Хэнтийн уулархаг нутгаар цас орно. Бусад нутгаар цас орохгүй. Салхи ихэнх нутгаар баруун хойноос секундэд 5-10 метр, тал, хээрийн нутгаар секундэд 13-15 метр хүрч ширүүснэ. Дархадын хотгор, Завхан голын эх, Идэр, Тэс, Байдраг голын хөндийгөөр -16…-21 градус, Увс нуурын хотгор болон Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр -10…-15 градус, Хангайн нурууны өвөр бэл, говийн бүс нутгийн баруун өмнөд хэсгээр -2...-7 градус, бусад нутгаар -6...-11 градус хүйтэн байна.

Улаанбаатар хотод: Үүлшинэ. Цас орохгүй. Салхи баруун хойноос секундэд 5-10 метр. -8…-10 градус хүйтэн байна.

Төлөв байдал: 05-нд Хангай, Хөвсгөл, Хэнтийн уулархаг нутгаар, 06-нд төв болон говийн аймгуудын нутгийн зарим газраар, 08-нд баруун аймгуудын нутгийн хойд хэсгээр цас орж, зөөлөн цасан шуурга шуурна. Салхи ихэнх хугацаанд секундэд 5-10 метр, 6-нд говь, тал, хээрийн нутгаар секундэд 14-16 метр хүрч ширүүснэ. 05-09-ний хооронд Дархадын хотгор болон Завхан голын эх, Хүрэнбэлчир орчмоор шөнөдөө -29...-34 градус, өдөртөө -16...-21 градус, Хангай, Хөвсгөл, Хэнтийн уулархаг нутаг, Идэр, Эг, Үүр, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар шөнөдөө -23...-28 градус, өдөртөө -12...-17 градус, Их нууруудын хотгор, говийн бүс нутгийн баруун өмнөд хэсгээр шөнөдөө -12...-17 градус, өдөртөө -3…-8 градус, бусад нутгаар шөнөдөө -18…-23 градус, өдөртөө -8...-13 градус хүйтэн байна.

Гал түймэр:

Архангай аймгийн Эрдэнэбулган сумын Арслан цохио багт ханан пийшингээс утаа гарч байна гэсэн дуудлагыг 08:30 цагт хүлээн авсан. Тус аймгийн Онцгой байдлын газрын 51 дүгээр ангийн алба хаагчдыг очиход, 8x10 метрийн хэмжээтэй модон байшингийн ханан пийшин шатаж байсныг ажиллаж унтраасан.

Сэлэнгэ аймгийн Баянгол сумын Гонир 3 дугаар багт ногооны чингэлэг шатаж байна гэсэн дуудлагыг 09:36 цагт хүлээн авсан. Тус аймгийн Онцгой байдлын газрын 40 дүгээр ангийн алба хаагчдыг очиход, 4х3 метрийн хэмжээтэй ногооны чингэлгийн хойд хэсэг шатаж байсныг ажиллаж унтраасан.

Нийслэлийн Баянгол дүүргийн 11 дүгээр хороонд байшингийн дээврийн хэсгээс утаа гараад байна гэсэн дуудлагыг 09:44 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход, иргэн Б-гийн эзэмшлийн 13х8 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Баянзүрх дүүргийн 29 дүгээр хороонд гал гараад байна гэсэн дуудлагыг 11:28 цагт хүлээн авсан. Сүхбаатар дүүргийн Онцгой байдлын хэлтсийн 34 дүгээр ангийн алба хаагчдыг очиход, иргэн Д-гийн эзэмшлийн 6х4 метрийн хэмжээтэй байшингийн дотор тал, таазны хэсэг шатаж байсныг ажиллаж унтраасан.

Орхон аймгийн Баян-Өндөр сумын Булаг багт байшин шатаж байна гэсэн дуудлагыг 16:31 цагт хүлээн авсан. Тус аймгийн Онцгой байдлын газрын 81 дүгээр ангийн алба хаагчдыг очиход, 8х12 метрийн хэмжээтэй мансардтай дүнзэн байшингийн дээврийн хэсэг шатаж байсныг ажиллаж унтраасан.

Нийслэлийн Хан-Уул дүүргийн 9 дүгээр хороонд байшин шатаж байна гэсэн дуудлагыг 19:14 цагт хүлээн авсан. Тус дүүргийн Онцгой байдлын хэлтсийн 30 дугаар ангийн алба хаагчдыг очиход, иргэн О-гийн эзэмшлийн 5х4 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Чингэлтэй дүүргийн 8 дугаар хороонд байшингаас утаа гараад байна гэсэн дуудлагыг 21:44 цагт хүлээн авсан. Тус дүүргийн Онцгой байдлын хэлтсийн 10 дугаар ангийн алба хаагчдыг очиход, иргэн О-гийн эзэмшлийн 9х8 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Налайх дүүргийн 6 дугаар хороонд байшин шатаж байна гэсэн дуудлагыг 00:40 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход, иргэн Г-гийн 2х6 метрийн хэмжээтэй харуулын байрны дотор тал шатаж байсныг ажиллаж унтраасан.      

Баянзүрх дүүргийн 2 дугаар хороонд байшин шатаж байна гэсэн дуудлагыг 04:32 цагт хүлээн авсан. Тус дүүргийн Онцгой байдлын хэлтсийн 63 дугаар ангийн алба хаагчдыг очиход, иргэн Н-ийн 6х8 метрийн хэмжээтэй байшингийн дээврийн хэсэг, үүдний өрөөний тааз, иргэн Т-гийн 10х8 метрийн хэмжээтэй байшингийн баруун талын дээврийн хэсэг тус тус шатаж байсныг ажиллаж унтраасан.

Хан-Уул дүүргийн 5 дугаар хороонд байшин шатаж байна гэсэн дуудлагыг 05:25 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчдыг очиход, иргэн Т-гийн 8х6 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Хүний үйл ажиллагаатай холбоотой осол:

Нуурын мөс цөмөрсөн: Хөвсгөл аймгийн Рашаант сумын 3 дугаар багийн “Дөрөө” нуур гэдэг газар /аймгийн төвөөс зүүн урд зүгт 154 км, сумын төвөөс баруун зүгт 60 км/ 12.01-ний өдрийн 21:00 цагийн орчим “Дөрөө” нуурын мөс цөмөрч С-ийн “Hyundai Mighty” загварын 2.5 тонн даацтай ачааны автомашины тэвш хэсэг орсон тухай дуудлагыг 12.02-ны өдрийн 17:30 цагт хүлээн авсан. Тус аймгийн Онцгой байдлын газрын Аврах салбарын алба хаагчдыг очиход, “Mighty-2” загварын ачааны автомашины хойд /ачаа/ хэсэг нуурын мөс рүү цөмөрч далд орсон байдалтай байсныг 6 цаг 15 минут ажиллан, автомашиныг татан гаргаж, иргэн С-д хүлээлгэн өгсөн.

ОНЦГОЙ БАЙДЛЫН ЕРӨНХИЙ ГАЗАР