Цаг агаар: 

Өнгөрсөн хоногт: Улаанбаатар хот болон Дорнод, Сэлэнгэ, Төв, Ховд аймгийн нутгаар цас орсон. Бусад бүх нутгаар цаг агаар тогтуун байлаа.

Өнөөдөр:  Нутгийн зүүн хагаст солигдмол үүлтэй, бусад нутгаар багавтар үүлтэй. Увс нуурын хотгор, Халх голын сав газраар цас орж, зөөлөн цасан шуурга шуурна. Бусад нутгаар цас орохгүй. Салхи ихэнх нутгаар баруун хойноос 6-11 м/с, говь, тал, хээрийн нутгаар 14-16 м/с хүрч ширүүснэ. Өдөртөө Увс нуурын хотгор, Завхан голын эх, Идэр, Тэс, Халх голын хөндийгөөр -9…-14 градус, Дархадын хотгор, Алтай, Хангай, Хэнтийн уулархаг нутаг, Дорнод-Дарьгангын тал нутгаар -3...-8 градус хүйтэн, Хангай нурууны өвөр бэл, говийн бүс нутгийн баруун өмнөд хэсэг, Орхон-Сэлэнгийн сав газраар +4...+9 градус, бусад нутгаар -2...+3 градус дулаан байна.

Улаанбаатар хотод:  Үүл багасна, цас орохгүй, салхи баруун хойноос 6-11 м/с, өдөртөө +2...+4 градус дулаан байна.

Төлөв байдал: 11 дүгээр сарын 30, 12 дугаар сарын 2-нд Увс нуурын хотгор, Хөвсгөлийн уулархаг нутгаар, 12 дугаар сарын 1-нд төвийн аймгуудын ихэнх нутаг, зүүн аймгуудын нутгийн зарим газраар, 3-нд баруун аймгуудын нутгийн зарим газраар цас орж, цасан шуурга шуурна. Салхи ихэнх хугацаанд говь, тал, хээрийн нутгаар 13-15 м/с хүрч ширүүснэ. 11 дүгээр сарын 30-нд төвийн аймгуудын нутгийн хойд хэсгээр, 12 дугаар сарын 1-нээс нутгийн зүүн хагаст хүйтэрч Дархадын хотгор болон Завхан голын эх, Хүрэнбэлчир орчмоор шөнөдөө -28...-33 градус, өдөртөө -16...-21 градус, Хангай, Хөвсгөл, Хэнтийн уулархаг нутаг, Идэр, Эг, Үүр, Ерөө, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө -22...-27 градус, өдөртөө -12...-17 градус, Их нууруудын хотгор, говийн бүс нутгийн баруун өмнөд хэсгээр шөнөдөө -10...-15 градус хүйтэн, өдөртөө -1…-6 градус, бусад нутгаар шөнөдөө -17…-22 градус, өдөртөө -7...-12 градус хүйтэн байна.

Гал түймэр:

Нийслэлийн Сүхбаатар дүүргийн 12 дугаар хороонд агуулах шатаж байна гэсэн дуудлагыг 06:43 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар анги, Сүхбаатар дүүргийн Онцгой байдлын хэлтсийн 34 дүгээр ангийн алба хаагчдыг очиход иргэн Э-гийн 30х20 метрийн хэмжээтэй агуулах шатаж байсныг ажиллаж унтраасан. 

Завхан аймгийн Улиастай сумын Жаргалант багт ачааны автомашин шатаж байна гэсэн дуудлагыг 11.28-ны өдрийн 11:10 цагт хүлээн авсан. Тус аймгийн Онцгой байдлын газрын 43 дугаар ангийн алба хаагчдыг очиход иргэн А-гийн “Бонго-2” загварын автомашин шатаж байсныг ажиллаж унтраасан.

Сонгинохайрхан дүүргийн 32 дугаар хороонд байшин шатаж байна гэсэн дуудлагыг 11.28-ны өдрийн 12:29 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Д-гийн 8х5 метрийн хэмжээтэй ажилчдын байр шатаж байсныг ажиллаж унтраасан.

Сүхбаатар дүүргийн 12 дугаар хороонд агуулах шатаж байна гэсэн дуудлагыг 11.28-ны өдрийн 13:10 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн С-ийн 17х15 метрийн хэмжээтэй хэвлэлийн тоног төхөөрөмжийн материалын дэлгүүрийн, 3х4 метрийн хэмжээтэй оффисын өрөө шатаж байсныг ажиллаж унтраасан. 

Хан-Уул дүүргийн 11 дүгээр хороонд цахилгаан хувиарлах самбар шатаж байна гэсэн дуудлагыг 11.28-ны өдрийн 13:46 цагт хүлээн авсан. Тус дүүргийн Онцгой байдлын хэлтсийн 14 дүгээр ангийн алба хаагчдыг очиход иргэн Ө-гийн 8х8 метрийн хэмжээтэй цайны газрын цахилгаан хувиарлах самбар шатаж байсныг ажиллаж унтраасан. 

Баянхонгор аймгийн Баянхонгор сумын Угалз багт хураалттай өвс, хашаа шатаж байна гэсэн дуудлагыг 11.28-ны өдрийн 14:05 цагт хүлээн авсан. Тус аймгийн Онцгой байдлын газрын 16 дугаар ангийн алба хаагчдыг очиход иргэн Э-гийн хашаанд 5 тнн өвс, 6 метр хашаа шатаж байсныг ажиллаж унтраасан. 

Баянхонгор аймгийн Баянхонгор сумын Эрдэнэмандал багт байшин шатаж байна гэсэн дуудлагыг 11.28-ны өдрийн 19:18 цагт хүлээн авсан. Тус аймгийн Онцгой байдлын газрын 16 дугаар ангийн алба хаагчдыг очиход иргэн Г-гийн 10х6 метрийн хэмжээтэй байшингийн галлагааны өрөөний дээврийн хэсэг шатаж байсныг ажиллаж унтраасан.

Орхон аймгийн Баян-Өндөр сумын Рашаант багт байшин шатаж байна гэсэн дуудлагыг 11.28-ны өдрийн 19:26 цагт хүлээн авсан. Тус аймгийн Онцгой байдлын газрын 81 дүгээр ангийн алба хаагчдыг очиход иргэн Б-гийн 7х8 метрийн хэмжээтэй байшингийн 3х2 хэмжээтэй үүдний амбаар шатаж байсныг ажиллаж унтраасан.

Дархан-Уул аймгийн Дархан сумын амбаар шатаж байна гэсэн дуудлагыг 11.29-ний өдрийн 00:12 цагт хүлээн авсан. Тус аймгийн Онцгой байдлын газрын 54 дүгээр  ангийн алба хаагчдыг очиход иргэн М-ийн 3х2 метрийн хэмжээтэй амбаар шатаж байсныг ажиллаж унтраасан.

Хүний үйл ажиллагаатай холбоотой осол: 

Төөрсөн, сураггүй болсон: Сүхбаатар аймгийн Эрдэнэцагаан сумын Хөндлөн хайлааст  багийн "Зүүн-Араат" гэдэг газар /аймгийн төвөөс зүүн урд зүгт 280 км-т, сумын төвөөс зүүн урд зүгт 60 км-т/ тус сумын харьяат иргэн А нь 11.28-ны өдрийн 15:00 цагт гэрээсээ мориор гарч яваад сураггүй болсон тухай дуудлагыг мөн өдрийн 22:40 цагт хүлээн авсан. Тус аймгийн Онцгой байдлын газрын Эрдэнэцагаан сум дахь 47 дугаар ангийн алба хаагчид очиж иргэн А /17 настай, эрэгтэй/-ыг эрэн хайх ажиллагааг зохион байгуулж 00:50 цагт тус багийн “Хадтай-Уул” гэдэг газар /гэрээс нь хойд зүгт 1 км/-аас эсэн мэнд олсон.  

ОНЦГОЙ БАЙДЛЫН ЕРӨНХИЙ ГАЗАР