Саудын Арабын хаант улсын Рияад хотноо зохион байгуулагдсан “Олон улсын гал сөнөөгч, аврагчдын спортын холбооны XXV олон улсын бага хурал”-д ОБЕГ-ын Гал түймэртэй тэмцэх газрын дарга, хурандаа Ц.Нямбаяр, Гал сөнөөгч, аврагчдын спортын холбооны дарга, бэлтгэл хурандаа Б.Баттөмөр нар оролцоод ирлээ.

Хурлаар 2023-2024 онд хийж хэрэгжүүлсэн ажлын үр дүнгийн тайлан, 2024 оны гал унтраах техникийн олон төрөлт спортын дэлхийн аварга шалгаруулах тэмцээнийг зохион байгуулсан талаарх үр дүн болоод бусад зохион байгуулагдсан олон улсын тэмцээний талаар хэлэлцсэн юм.

Мөн “Гал унтраах техникийн олон төрөлт спортын дэлхийн дээд амжилтыг батлах тухай тогтоол”-ыг баталж, 2025 оны Гал унтраах техникийн олон төрөлт спортын дэлхийн аварга шалгаруулах тэмцээнийн зохион байгуулалтын талаар санал солилцлоо.