Цаг агаар:

Өнгөрсөн хоногт: Хоногийн хугацаанд Улаанбаатар хот болон Дорнод, Сүхбаатар, Төв, Ховд аймгуудад цас орж бусанд нутгаар цаг агаар тогтуун байлаа

Өнөөдөр: Нутгийн зүүн хэсгээр солигдмол үүлтэй, бусад нутгаар багавтар үүлтэй. Увс нуурын хотгор, Хэнтийн уулархаг нутаг, Орхон-Сэлэнгийн сав газар, Ерөө, Онон, Улз, Халх голын хөндийгөөр цас орж, зөөлөн цасан шуурга шуурна. Бусад нутгаар цас орохгүй. Ихэнх нутгаар баруун хойноос секундэд 6-11 метр, говь, тал, хээрийн нутгаар секундэд 15-17 метр хүрч ширүүснэ. Завхан голын эх, Хүрэнбэлчир орчим, Онон, Улз, Халх голын хөндий, Дорнод-Дарьгангын тал нутгаар -11...-16 градус, Дархадын хотгор, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндий, говийн бүс нутгийн зүүн хэсгээр -5...-10 градус хүйтэн, Их нууруудын хотгор, Хангайн нурууны өвөр бэл, говийн бүс нутгийн баруун өмнөд хэсгээр 0...+5 градус дулаан, бусад нутгаар +1...-4 градус хүйтэн байна.

Улаанбаатар хотод: Үүлэрхэг. Цас орно. Салхи баруун хойноос секундэд 6-11 метр. 0 градус орчим байна.

Төлөв байдал: 29-н болон 12-р сарын 2-нд Хэнтийн уулархаг нутаг, Халх голын хөндийгөөр, 30-нд Хөвсгөлийн уулархаг нутаг, Орхон-Сэлэнгийн сав газраар, 12-р сарын 01-нд төв, говь болон зүүн аймгуудын нутгийн зарим газраар цас орж, цасан шуурга шуурна. Салхи ихэнх нутгаар секундэд 6-11 метр, 1-3-нд говь, тал, хээрийн нутгаар секундэд 15-17 метр хүрч ширүүснэ. Ихэнх нутгаар өдөртөө хүйтний эрч суларч Завхан голын эх, Хүрэнбэлчир орчмоор шөнөдөө -24...-29 градус, өдөртөө -11...-16 градус, Дархадын хотгор, Хөвсгөл, Хэнтийн уулархаг нутаг, Идэр, Ерөө, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар шөнөдөө -17...-22 градус, өдөртөө -5...-10 градус, Их нууруудын хотгор, говийн бүс нутгийн баруун өмнөд хэсгээр шөнөдөө -3...-8 градус хүйтэн, өдөртөө +1…+6 градус дулаан, бусад нутгаар шөнөдөө -10…-15 градус, өдөртөө 0...-5 градус хүйтэн байна. 12-р сарын 1-нээс ихэнх нутгаар хүйтэрнэ.

Гал түймэр:

Улаанбаатар хот, Хан-Уул дүүрэг 13 дугаар хороо байшин шатаж байна гэсэн дуудлагыг 08:14 цагт хүлээн авсан.  Тус дүүргийн Онцгой байдлын хэлтсийн 65 дугаар ангийн алба хаагчдыг очиход, иргэн А-ийн 4х5 метрийн хэмжээтэй 2 давхар байшингийн 1 давхрын дотор хэсэг, эд зүйл, 2 давхрын баруун хана, дээврийн хэсэг тус тус шатаж байсныг ажиллаж унтраасан.

Завхан аймаг, Улиастай сум Товцог багийн Дэлгэрэх хэсгийн автомашин шатаж байна гэсэн дуудлагыг 09:19 цагт хүлээн авсан.  Тус аймгийн Онцгой байдлын газрын 43 дугаар ангийн алба хаагчдыг очиход, “Prius” загварын суудлын автомашин шатаж байсныг ажиллан унтраасан.

Өвөрхангай аймаг, Хархорин сум Эрдэнэ толгой баг хашаа шатаж байна гэсэн дуудлагыг 16:15 цагт хүлээн авсан.Тус аймгийн Онцгой байдлын газрын Хархорин сум дахь 45 дугаар ангийн алба хаагчдыг очиход, 2х3 метрийн хэмжээтэй түлшний хашаа шатаж байсныг  ажиллан унтрааж, хүлээлгэн өгсөн.

Улаанбаатар хот, Хан-Уул дүүрэг 14 дүгээр хороо байшин шатаж байна гэсэн дуудлагыг 20:24 цагт хүлээн авсан.   Тус дүүргийн Онцгой байдлын хэлтсийн 65 дугаар ангийн алба хаагчдыг очиход, хаяг тодорхойгүй задгайд иргэн Б-ын 6х8 метрийн хэмжээтэй 1 давхар байшингийн дээврийн хэсэг, залгаа баригдсан 6х8 метрийн хэмжээтэй граж шатаж байсныг ажиллаж унтраасан.

3. Ой, хээрийн түймэр:

- Хээрийн түймэр: Дорнод аймаг, Чойбалсан сум Энгэр шанд баг "Хавиргын боомт" гэдэг газар /аймгийн төвөөс зүүн зүгт 120 км, сумын төвөөс зүүн зүгт 80 км/Хээрийн түймэр гарсан тухай дуудлагыг 15:30 цагт хүлээн авсан. Тус аймгийн Онцгой байдлын газрын Аврах ангийн алба хаагчид, сумын Засаг даргын тамгын газрын ажилтнууд голомтод ажиллаж, 23:40 цагт цурамд оруулан 23:50 цагт бүрэн унтраасан. Урьдчилсан байдлаар хээрийн гал түймэрт 300 га талбай өртөж шатсан.

ОНЦГОЙ БАЙДЛЫН ЕРӨНХИЙ ГАЗАР