Цаг агаар:

Өнгөрсөн хоногт: Хоногийн хугацаанд нийт нутгаар цаг агаар тогтуун байлаа.

Өнөөдөр: Баруун аймгуудын нутгаар үүлшинэ. Монгол-Алтайн уулархаг нутгаар цас орж, цасан шуурга шуурна. Бусад нутгаар багавтар үүлтэй, цас орохгүй. Салхи ихэнх нутгаар баруун өмнөөс секундэд 5-10 метр. Монгол-Алтайн уулсаар секундэд 13-15 метр хүрч ширүүснэ. Монгол-Алтайн уулархаг нутаг, Завхан голын эх, Хүрэнбэлчир орчмоор -9...-14 градус, Хангай, Хөвсгөлийн уулархаг нутаг, Идэр, Тэс голын хөндийгөөр -3...-8 градус хүйтэн, говийн бүс нутаг, Дорнод-Дарьгангын тал нутгаар +4...+9 градус, бусад нутгаар -2...+3 градус дулаан байна.

Улаанбаатар хотод: Үүлшинэ. Цас орохгүй. Салхи баруун өмнөөс секундэд 5-10 метр. +1...+3 градус дулаан байна.

Төлөв байдал: 23-нд нутгийн баруун хагаст, 24-нд баруун аймгуудын нутгийн зүүн, төв, говь, зүүн аймгуудын ихэнх нутгаар, 25-нд нутгийн зүүн хэсгээр, 26-нд төв, говь болон зүүн аймгуудын нутгийн зарим газраар цас орж, цасан шуурга шуурна. Салхи ихэнх хугацаанд секундэд 6-11 метр, 23-нд нутгийн баруун хагаст, 24-26-нд говь, тал, хээрийн нутгаар секундэд 15-17 метр хүрч ширүүснэ. 23-нд нутгийн баруун хэсгээр, цаашдаа ихэнх нутгаар хүйтэрч Завхан голын эх, Хүрэнбэлчир орчмоор шөнөдөө -30...-35 градус, өдөртөө -16...-21 градус, Дархадын хотгор, Алтай, Хангай, Хөвсгөл, Хэнтийн уулархаг нутаг, Идэр, Тэс, Хараа, Ерөө, Туул, Тэрэлж голын хөндийгөөр шөнөдөө -24...-29 градус, өдөртөө -12...-17 градус, говийн бүс нутгийн өмнөд хэсгээр шөнөдөө -12...-17 градус, өдөртөө -2…-7 градус, бусад нутгаар шөнөдөө -18…-23 градус, өдөртөө -8...-13 градус хүйтэн байна.

Гал түймэр:

Нийслэлийн Баянзүрх дүүргийн 30 дугаар хороонд хогийн цэг шатаж байна гэсэн дуудлагыг 08:27 цагт хүлээн авсан. Тус дүүргийн Онцгой байдлын хэлтсийн 63 дугаар ангийн алба хаагчдыг очиход, хогийн цэгт хог, мөн иргэн О-ын эзэмшлийн "Prius Alpha" загварын автомашины багажийн хэсэг тус тус шатаж байсныг ажиллаж унтраасан.

Баянгол дүүргийн 21 дүгээр хороонд байшин шатаж байна гэсэн дуудлагыг 13:10 цагт хүлээн хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход, иргэн Ч-ын эзэмшлийн 5х6 метрийн хэмжээтэй байшингийн дээврийн хэсэг, эзэн нь тодорхойгүй 10х7 метрийн хэмжээтэй байшингийн дээврийн хэсэг тус тус шатаж байсныг ажиллаж унтраасан. 

Сонгинохайрхан дүүргийн 24 дүгээр хороонд өнжмөл шар өвс шатаж байна гэсэн дуудлагыг 13:59 цагт хүлээн авсан. Тус дүүргийн Онцгой байдлын хэлтсийн 29 дүгээр ангийн алба хаагчдыг очиход, 4 га орчим шар өвс, эзэн нь тодорхойгүй 4х3 метрийн хэмжээтэй байшингийн баруун талын хэсэг хайрагдаж шатаж байсныг ажиллаж унтраасан.

Налайх дүүргийн 7 дугаар хороонд байшин шатаж байна гэсэн дуудлагыг 23:55 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход, иргэн Х-ийн эзэмшлийн 5х4 метрийн хэмжээтэй байшин дотор эд зүйл шатаж байсныг ажиллаж унтраасан.

Сонгинохайрхан дүүргийн 32 дугаар хороонд байшин шатаж байна гэсэн дуудлагыг 19:20 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход, иргэн П-гийн эзэмшлийн 6х10 метрийн хэмжээтэй байшингийн дээвэр шатаж байсныг ажиллаж унтраасан.         

Төв аймгийн Мөнгөнморьт сумын Булаг багт байшин шатаж байна гэсэн дуудлагыг 17:41 цагт хүлээн авсан. Тус аймгийн Онцгой байдлын газрын 75 дугаар ангийн алба хаагчдыг очиход, 3x4 хэмжээтэй модон 2 давхар байшингийн үүдний хэсэг шатаж байсныг унтраасан.

Хүний үйл ажиллагаатай холбоотой осол:

Цас шаварт суусан: Увс аймгийн Давст сумын Торхилог баг, Торхилог голын “Зүүн мод” гэдэг газар /аймгийн төвөөс баруун хойд зүгт 160 км, сумын төвөөс зүүн зүгт 30 км/ автомашин голын усанд суусан тухай дуудлага 02:00 цагт хүлээн авсан. Тус сум дахь Эрэн хайх аврах бүлгийн алба хаагчдыг очиход, “Pajero” загварын суудлын автомашин голын ус, шаварт суусан байсныг татан гаргаж хүлээлгэн өгсөн.

Бусад төрлийн осол /ажиллагаа/: Дорноговь аймгийн Сайншанд сумын 6 дугаар багт том оврын ачааны автомашины хөдөлгүүрт хүн дарагдсан тухай дуудлагыг 17:42 цагт хүлээн авсан. Тус аймгийн Онцгой байдлын газрын Эрэн хайх аврах салбарын алба хаагчдыг очиход, “ZZ4257W324HE1H” загварын автомашины хөдөлгүүрийн хэсэгт, иргэн Э /50 настай, эрэгтэй/-ийн зүүн талын хөл дарагдсан байсныг ажиллан гаргаж, тус аймгийн Нэгдсэн эмнэлэгт хүлээлгэн өгсөн.

ОНЦГОЙ БАЙДЛЫН ЕРӨНХИЙ ГАЗАР