ОБЕГ-ын Санхүү ар талын газраас төв, орон нутгийн Онцгой байдлын байгууллагын Гал түймэр унтраах, аврах анги, нөөцийн барааны нярав нарын сургалтыг бүсийн төвүүдийг түшиглэн зохион байгуулж байна.

Сургалтаар албанд шинээр нэвтрүүлж байгаа санхүү бүртгэлийн программын танилцуулга хийж, ажиллах дадлагыг туршиж байгаа юм.

Мөн бүсийн санхүүгийн үйл ажиллагаа, аврах ажиллагааны техник, тоног төхөөрөмж, багаж хэрэгслийн хангалт, ашиглалт, бэлэн байдал, ар талын хангалтын журмын хүрээнд холбогдох мэргэжилтнүүд мэдээлэл өгч байна.