Төслийн хүрээнд нийлүүлэгдсэн тоног төхөөрөмжийн үүрэг гүйцэтгэлтэй танилцаж, эрэлч нохойн үзүүлбэрийг сонирхууллаа
БНФУ-ын Европын болон Гадаад хэргийн яамны Батлан хамгаалах, аюулгүй байдлын хамтын ажиллагааны газрын дарга, генерал Режис Колкомбе тэргүүтэй айлчлалын бүрэлдэхүүн өнөөдөр ОБЕГ-ын харьяа Үндэсний аврах бригад, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн үйл ажиллагаатай танилцаж, хамтын ажиллагааны талаар санал солилцлоо.
Энэ хүрээнд Гал түймэр унтраах, аврах 10 дугаар ангид Монгол Улсын Засгийн газар, Бүгд Найрамдах Франц Улсын Засгийн газар хоорондын хэлэлцээрийн хүрээнд хэрэгжсэн “Гал унтраах тусгай зориулалтын автомашин нийлүүлэх төсөл”-өөр нийлүүлэгдсэн гал унтраах автомашин, техник тоног төхөөрөмжийн үүрэг гүйцэтгэл болон Монгол орны байгаль орчин, цаг уурын онцлогт хэрхэн нийцэж байгаатай танилцсан юм.
Мөн Үндэсний аврах бригадаас ашиглаж байгаа багаж хэрэгсэл, техник тоног төхөөрөмжийг дэлгэн үзүүлж, өндрөөс аврах ажиллагаа, эрэлч нохойн үзүүлэх тоглолтыг сонирхууллаа.
Ийнхүү ОБЕГ-ын дарга, хошууч генерал Г.Ариунбуянгийн урилгаар БНФУ-ын Европын болон Гадаад хэргийн яамны Батлан хамгаалах, аюулгүй байдлын хамтын ажиллагааны газрын дарга, генерал Колкомбе тэргүүтэй төлөөлөгчдийн манай улсад хийсэн айлчлал өндөрлөж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/25
Шинэ мэдээИрэх арваннэгдүгээр сарын цаг агаарын төлөв
Нэгдүгээр арав хоногийн сүүл, хоёрдугаар арав хоногт ихэнх нутгаар агаар мандал тогтворгүй, салхи шуурга ихтэй байх төлөв ажиглагдаж байгаа тул хол замд гарахдаа богино хугацааны цаг агаарын урьдчилсан мэдээг байнга авч ашиглаж, ажлаа төлөвлөхийг зөвлөж байна.
2024/10/25
Шинэ мэдээФилиппинд болсон “Трами” хар салхины улмаас ор сураггүй болсон 42 иргэнийг эрэн хайх ажиллагааг зохион байгуулж байна
Гамшгийн эрсдэлийг бууруулах үндэсний зөвлөлийн мэдээлснээр “Трами” хар салхины улмаас тус улсын дэд бүтцэд учруулсан хохирол 994.6 сая песо (16.98 сая ам. доллар), хөдөө аж ахуйн салбарт 1.432 тэрбум песо (24.5 сая доллар)-т хүрчээ.
2024/10/25
Шинэ мэдээӨнгөрсөн долоо хоногт 89 удаагийн дуудлага, мэдээлэл бүртгэгдлээ
Нийт дуудлагын 66 нь гал түймэр, 20 нь хүний үйл ажиллагаатай холбоотой осол, нэг нь биологийн гаралтай, нэг нь ус цаг уурын гаралтай, нэг нь геологийн гаралтай аюулт үзэгдэл байна.
