Боливи Улсад гарсан ой, хээрийн түймрийн тархалт түүхэн дээд түвшинд хүрч, онц байдал зарлаад байна
Боливи Улсад гурван долоо хоногийн өмнөөс тархсан ой, хээрийн түймэрт 24.7 сая акр.талбай шатаж, түүхэн дээд түвшинд хүрчээ. Тус улсын Санта Круз хот ой, хээрийн түймэрт хамгийн их хохирол амссан бөгөөд ойролцоогоор долоон сая га.талбай шатжээ.
Энэ жил тус улсад гарсан ой, хээрийн түймрийн голомтын ихэнх нь зүүн бүсийн нутгийг хамарч, түүхэн дэх хамгийн их хохирол дагуулснаар гал түймрийн улирлын дээд түвшинг давжээ.
Тиймээс тус улсын Засгийн газраас онц байдал зарлаж, олон улсаас ой, хээрийн түймрийн эсрэг хариу арга хэмжээ авахаар тусламж хүссэн байна. Энэхүү ой, хээрийн түймрийн гамшигт үзэгдэл нь олон мянган өрх, тариаланчид, уугуул иргэдийн амьдралд сөргөөр нөлөөлж, тэдний ихэнх нь орон гэр, газар тариалан, амьжиргаагаа алдсанаас гадна ундны усны эх үүсвэргүй болж, дүрвэхэд хүргэжээ.
Уур амьсгалын өөрчлөлтийн сөрөг нөлөөлөл нь түймрийн тархалтыг улам дордуулж байгаа талаар мэдээлжээ. Tierra Foundation төрийн бус байгууллагаас даваа гарагт гаргасан судалгааны тайланд шатсан га талбайн хэмжээ нь 19 сая хөл бөмбөгийн талбайтай тэнцэхүйц байна гэжээ.
Орчуулсан: Б.Гэрэлзаяа
Эх сурвалж: https://www.reuters.com/
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/10/08
Шинэ мэдээХот доторх эрэн хайх, аврах багийн үйл ажиллагааны баазтай танилцлаа
Эрэн хайх, аврах олон улсын зөвлөлдөх бүлгийн гадаад ангилал, баталгаажуулалтад хамрагдахын тулд үндэсний хэмжээний зохицуулалт, байгууллалтын бүтэц, сургалт, дадлага, логистик, стандарт ажиллагааны журам болон өөрийн үнэлгээний үйл ажиллагааг үе шаттайгаар хэрэгжүүлэх шаардлагатай юм.
2024/10/08
Шинэ мэдээЭрэн хайх, аврах ажиллагааны чадавхыг олон улсын түвшинд хүргэнэ
Монгол Улсын Шадар сайд Н.Номтойбаяр, НҮБ-ын Эрэн хайх, аврах олон улсын зөвлөлдөх бүлгийн глобал удирдагч, олон улсын зөвлөх, ноён Винстон Чаныг хүлээн авч уулзлаа.
2024/10/08
Шинэ мэдээШадар сайд Н.Номтойбаяр: Эрт сэрэмжлүүлэх тогтолцоо, шинэ технологи бол гамшгийн эрсдэлийг бууруулах гол хөшүүрэг
Тус хуралд Азийн улс орнуудын эрдэмтэн, судлаач, бодлого боловсруулагчид болон олон улсын байгууллагын 100 гаруй төлөөлөгч оролцож, гамшгийн эрсдэлийг бууруулах, эрт сэрэмжлүүлэх тогтолцоог боловсронгуй болгох, шинжлэх ухаан, технологид суурилсан хамтын ажиллагааг өргөжүүлэх асуудлаар хэлэлцэж байна.
