“Ургац-2024” үзэсгэлэн худалдааг зохион байгууллаа
Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн, ”Хүнсний хангамж-аюулгүй байдал” хөтөлбөрийн хэрэгжилтийн хүрээнд Монгол цэргийн нэгдсэн холбооноос “Ургац-2024” үзэсгэлэн худалдааг дөрөвдэх жилдээ өнөөдөр зохион байгууллаа.
Тус үзэсгэлэнд төрийн цэргийн болон хууль сахиулах байгууллагуудын тариаланч - ногоочин ахмад ажилтнууд оролцож, өөрсдийн тариалсан ногоо, жимс, жимсгэнэ болоод модны үр зэргийг олон нийтэд сурталчлан, худалдаа хийлээ.
Монгол цэргийн нэгдсэн холбооноос ХХАХЯ-ны Газар тариалан хүнс хөдөө аж ахуйн холбогдох газруудтай хамтран төрийн цэргийн болон хууль сахиулах байгууллагын ахмад настнуудын дунд жил бүрийн 4-5 дугаар сард хүнсний ногоо тарих арга аргачлал үрээр болон үрсэлгээгээр тарьж ургуулах, усалгаа, хамгаалалт зэрэг сэдвээр сургалтыг 2021 оноос хойш тогтмол зохион байгуулж байна.
“Ургац” арга хэмжээний хүрээнд дөрвөн жилийн хугацаанд нийт 120 гаруй мянган тонн хүнсний ногоо, жимс жимсгэнэ зэрэг тариалалтыг хураан авч, энэ хэмжээгээр өрхийн санхүүгийн хэрэгцээг дэмжин ажиллажээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/09/18
Шинэ мэдээАюулт үзэгдэл, ослын 120 удаагийн дуудлагаар 19 иргэний амь насыг авран хамгааллаа
Нийт дуудлагын 66 нь обьектын гал түймэр, 20 нь ой, хээрийн түймэр, нэг нь хүчтэй салхи шуурга, хоёр нь үер, дөрөв нь биологийн гаралтай аюулт үзэгдэл, 27 нь хүний үйл ажиллагаатай холбоотой ослын дуудлага байна.
2024/09/18
Шинэ мэдээГал түймэр унтраах тусгай зориулалтын автомашинууд үүрэг гүйцэтгэж эхэллээ
Дээрх тусгай зориулалтын автомашинуудыг Орхон, Хөвсгөл, Завхан, Увс, Дорнод, Дорноговь аймгуудын Онцгой байдлын газруудад хуваарилсан бөгөөд өнөөдрөөс эхлэн ард иргэдийн амь нас, эд хөрөнгийг авран хамгаалах ариун үйлсэд үүрэг гүйцэтгэж эхэллээ.
2024/09/18
Шинэ мэдээАмьсгалын бие даасан төхөөрөмжийн засварчид мэргэшүүлэх сургалтад хамрагдлаа
ОБЕГ-аас “Алс энержи” ХХК-тай хамтран БНХАУ-ын Наньжин, Вэнлин хотноо зохион байгуулсан амьсгалын бие даасан төхөөрөмжийн засварчдыг мэргэшүүлэх сургалтад ОБЕГ-ын Гал түймэртэй тэмцэх газрын ахлах мэргэжилтэн, ахмад П.Чинзоригоор ахлуулсан 5 алба хаагч хамрагдлаа.
