Төрийн цэргийн болон хууль сахиулах байгууллагуудын ахлагч бүрэлдэхүүний дунд зохион байгуулсан “Шинийг санаачлагч-Бүтээлч ахлагч” уралдаанд ахлагч алба хаагчдын зохион бүтээсэн 30 гаруй бүтээл оролцлоо.
Тус уралдаанд Онцгой байдлын байгууллагын алба хаагчид 8 бүтээлээр оролцсноос НОБГ-ын Баянгол дүүргийн ОБХ-ийн Гал түймэр унтраах, аврах 18 дугаар ангийн гал сөнөөгч, ахлагч Г.Өсөхбаяр ахлагчтай баг хамт олны бүтээсэн “Зам гарц чөлөөлөх автомашин зөөвөрлөн холдуулагч” бүтээл дэд байрт шалгарлаа.
Мөн шагналт V байрт Дархан-Уул аймгийн ОБГ-ын Гал түймэр унтраах, аврах 22 дугаар ангийн аврагч-гал сөнөөгч, ахлах ахлагч Х.Дөлгөөний “Хийгээр хоолой шалгах төхөөрөмж”, VI байрт мөн газрын Гал түймэр унтраах, аврах 55 дугаар ангийн аврагч-гал сөнөөгч, ахлах ахлагч Т.Рысбекийн “Автомашины гал түймрийг унтраах зориулалттай Below-R хошуу”, VII байрт Сэлэнгэ аймгийн ОБГ-ын Гал түймэр унтраах, аврах 61 дүгээр ангийн гал унтраах жолооч, дэд ахлагч Ц.Батхишигийн “Хорио цээрийн үед автомашин ариутгах зөөврийн хошуу” бүтээл тус тус шалгарч, шагналаа гардан авлаа.
2024/09/05Шинэ мэдээ
Энэ үеэр чуулга уулзалтын хүрээнд зохион байгуулагдсан бүлгийн хэлэлцүүлэг болон “Шинийг санаачлагч-Бүтээлч ахлагч” уралдаанд амжилттай оролцсон зарим алба хаагчдад “Онцгой байдлын албаны төлөө-1,2,3” дугаар зэргийн тэмдгээр шагнаж, урамшуулав.
2024/09/05Шинэ мэдээ
Чуулга, уулзалтад 20 мянга гаруй ахлагчийн төлөөлөл болсон 1000 гаруй ахлагч биечлэн болон цахимаар оролцож байна. Бүгд Найрамдах Өмнөд Судан Улсад НҮБ-ын энхийг сахиулах ажиллагаанд үүрэг гүйцэтгэж байгаа Зэвсэгт хүчний мотобуудлагын 500 орчим ахлагч цахимаар оролцлоо.
2024/09/05Шинэ мэдээ
"Ахлагчийн жил"-ийн хүрээнд төрийн цэргийн болон хууль сахиулах байгууллагын ахлагч бүрэлдэхүүний дунд "Шинийг санаачлагч-Бүтээлч ахлагч" уралдааныг зохион байгуулж, чуулга уулзалтын үеэр олон нийтэд танилцууллаа.