Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмыг тохиолдуулан Монгол Улсын Ерөнхийлөгчийн зарлигаар зарим алба хаагч, ахмад ажилтнуудад төрийн дээд одон медаль хүртээлээ.
Мөн Олон улсын иргэний хамгаалалтын “Офицер одон”-оор Монгол Улсын шинжлэх ухааны гавьяат зүтгэлтэн, цэргийн шинжлэх ухааны доктор, профессор, хошууч генерал О.Үржин, "Баатар одон"-оор ОБЕГ-ын харьяа Үндэсний аврах бригадын Эрэн хайх, аврах салбарын захирагч, хошууч Д.Батзориг, мөн тус одонгоор нийслэлийн аврах ангийн аврагч-холбоочин, ахлах ахлагч А.Энхмэнд нар шагнагдлаа.
Түүнчлэн Онцгой байдлын байгууллагад олон жил үр бүтээлтэй ажилласан зарим алба хаагчдыг Шадар сайдын тушаалаар Онцгой байдлын албаны "Тэргүүний ажилтан", "Онц гал сөнөөгч" тэмдгээр шагнасан бол ОБЕГ-ын даргын тушаалаар зарим алба хаагчдад цол олгож, “Онцгой байдлын байгууллагын 1,2,3 дугаар зэргийн тэмдэг” “Жуух бичиг”-ээр шагналаа.
Төрийн далбааны өдөрт зориулсан цэргийн ёслолын жагсаалд албаа төлөөлөн оролцсон нийт алба хаагчдад Онцгой байдлын байгууллагын мэргэшлийн зэрэг олгож, цалингийн хувиар шагнаж урамшуулсан юм.
2024/07/10Шинэ мэдээ
Ой, хээрийн түймрийн улмаас тус улсын Аттика мужид 10.409.7 га буюу 25.000 гаруй акр талбай шатсан гэж Европын холбооны Коперникийн Онцгой байдлын албаныхан тооцоолсон байна. Гал түймрийн аюул Төв Македон, Зүүн Македон, Хойд Эгийн бүс нутгийн зарим хэсэгт "маш өндөр эрсдэлтэй" байгаа учраас тандалтын эргүүлийн багийг ажиллуулж байгаа аж.
2024/07/10Шинэ мэдээ
ОБЕГ-ын дэд дарга, бригадын генерал Б.Ууганбаяраар ахлуулсан ажлын хэсэг Үндэсний аврах бригадад бэлэн байдлын үзлэг, шалгалтыг өнөөдөр зохион байгууллаа.
2024/07/10Хоногийн мэдээ
Аюулт үзэгдэл ослын нөхцөл байдлын мэдээ