Агаараас эрэн хайх, аврах ангийг чадавхжуулах хоёр дугаар шатны төслийн эхний уулзалтыг зохион байгуулав
Монгол Улсын Засгийн газар, Бүгд Найрамдах Франц Улсын Засгийн газар хооронд байгуулсан санхүүгийн хэлэлцээрийн хүрээнд хэрэгжиж буй “Монгол Улсын Онцгой байдлын байгууллагын Агаараас эрэн хайх, аврах ангийг чадавхжуулах төсөл”-ийн хоёрдугаар шат 2024 оны 01 дүгээр сарын 11-ний өдөр болсон УИХ-ын ээлжит чуулганы хуралдаанаар хэлэлцэж, нэмэлт сургалт явуулах төслийг хэрэгжүүлэхээр соёрхон баталсан.
Хоёрдугаар шатны чадавхжуулах төсөл нь агаараас эрэн хайх, аврах 111 дүгээр ангийн нислэгт тэнцэх чадварын менежмент, ложистикийн үйл явцыг тасралтгүй явуулах чадамжтай болгох, бие даан нислэг үйлдэх чадавхыг бэхжүүлэх зорилгоор Онцгой байдлын ерөнхий газар, “Сабена Техникс Хэликоптерс” групптэй 2024 оны 3 сарын 11-ний өдөр гэрээ байгуулан хэрэгжүүлээд байна.
Тус төслийн гүйцэтгэгч тал болох Бүгд Найрамдах Франц Улсын “Сабена Техникс Хэликоптерс”группын төлөөлөгчид Онцгой байдлын ерөнхий газарт айлчилж төслийг хэрэгжүүлэх анхны уулзалтыг зохион байгууллаа.
Уулзалтад ОБЕГ-ын дарга, хошууч генерал Г.Ариунбуян тэргүүтэй алба хаагчид, Францын талаас “Сабена техникс хеликоптерс” группын төслийн удирдагч Гиюүм Гаутие тэргүүтэй төлөөлөгчид оролцсон бол Парис хотоос тус группын ерөнхий захирал Жонатон Коссон цахимаар оролцсон юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/07/07
Шинэ мэдээӨвөлжилтийн бэлтгэлийг хангах хүрээнд шаардлагатай арга хэмжээг хэрэгжүүлж байна
Зарим сумдад гантай байсан тул өвөлжилт хүндрэх төлөвтэй байгаа учраас аймгийн Онцгой комиссоос өвөлжилтийн бэлтгэл хангах хүрээнд шаардлагатай арга хэмжээг авч хэрэгжүүлж, Засгийн газрын тогтоол, УОК-ын албан даалгаврыг биелүүлэн ажиллаж байгааг танилцууллаа.
2024/07/07
Шинэ мэдээГамшгийн хор, уршгийг арилгахад зориулж 100 сая төгрөгийг шийдвэрлэлээ
Баянхонгор аймгийн Онцгой комиссын хүсэлтийн дагуу өнгөрсөн өвөл, хавар, зуны байгалийн гамшиг, аюулт үзэгдлийн хор уршгийг арилгах үйл ажиллагаанд дэмжлэг үзүүлж, УОК-оос 100 сая төгрөг шийдвэрлэв.
2024/07/07
Шинэ мэдээТүүхэн гэрэл зургийн үзэсгэлэнг дэлгэж, алба хаагчдаа шагнаж, урамшууллаа
Албаны бэлтгэл, бэлэн байдлыг хангах, алба хаагчдын ажиллах орчин нөхцөл, сургаж, дадлагажуулах зорилтын хүрээнд аймгийн Алтанбулаг сумын “Гүн” нуурыг түшиглэн “Гүний усны сургалтын цогцолбор төв”-ийг байгуулж, стандартын шаардлага хангасан хүнсний зоорийг бүх салбар, анги, байгууллагад шинээр бий болгосон байна.
