Шалтгаан тоочихгүй, шантрахгүйгээр үүрэг гүйцэтгэж байгаа алба хаагчид минь миний бахархал

A- A A+

Хүн бүрт өөрийн гэсэн хичээл зүтгэл, амьдралын үнэт зүйл гэж байдаг. Хүлээсэн үүрэг, оноогдсон ажлаа цаг тухай бүрт нь биелүүлэхийн төлөө хичээж байгаа эгэл жирийн ээж, энэ цаг мөчид хамтран үүрэг гүйцэтгэж байгаа ахлах ахлагч Нямдоржийн Отгонцэцэгийг энэ удаагийн “Nematimes” булан онцоллоо. Тэрбээр Говьсүмбэр аймгийн Онцгой байдлын газрын Гал түймэр унтраах, аврах 37 дугаар ангид дуудлага хүлээн авагчаар ажиллаж байна.

-Би Дорноговь аймгийн Сүмбэр суманд төрж, өссөн. Улмаар гэр бүлийн шалтгаанаар Говьсүмбэр аймаг руу шилжин, Сүмбэр сумын 10 жилийн сургуулийг төгссөн. Арван жилийн сургуулиа төгсөөд, өөрийн хүсэлтээр өргөдөл өгч, тухайн үеийн Онцгой байдлын хэлтсийн Аврах, гал унтраах 37 дугаар ангид анх ажилд орсон. Ингээд Онцгой байдлын албандаа 16 дахь жилдээ үүрэг гүйцэтгэж байна.

-Миний ажил бол гамшиг, осолд өртсөн, нэрвэгдсэн иргэний дуудлагыг хамгийн анх хүлээн авч, дамжуулдаг гэдгээрээ хариуцлагатай ажил. Аймаг, орон нутгийн онцлогоос шалтгаалан дуудлага мэдээлэл янз бүр. Ихэвчлэн ахуйн түймэр, зам тээврийн осол, мал амьтны гоц халдварт өвчин, төөрсөн, сураггүй болсон дуудлагууд зонхилон тохиолддог. Сүүлийн гурван жилийн хугацаанд томилгоот ээлжинд 280 удаа буюу 7556 цагийн үүрэг гүйцэтгэсэн байна.

- Жил бүр Онцгой байдлын байгууллагаас дэвшүүлсэн зорилт, нэгдсэн арга хэмжээ, удирдамжийн дагуу өөрийн хариуцсан хуваарьт гэр хорооллын айл, өрхүүдэд болзошгүй эрсдэлээс урьдчилан сэргийлэх ажлыг тогтмол зохион байгуулж, зөрчил, дутагдлыг арилгуулах арга хэмжээг тухай бүрт авч хэрэгжүүлж ажиллаж байна.

-Үндсэн үүргийнхээ хажуугаар албан тасалгаа, ангийн тохижилт, үйлчилгээний ажилд идэвхтэй манлайлан оролцдог.  Мөн  өөрийн сонирхлын дагуу  гоёл чимэглэл хийж, цэцэг тарьж ургуулна. Албанд үүрэг гүйцэтгэж байгаа автомашинууд миний оёсон суудлын бүрээсээр “гангарч” байгааг харах сайхан байдаг. Онцгой байдлын албаны алба хаагчид бол бурхад гэж хэлэх дуртай. Шалтгаан тоочихгүй, шантрахгүйгээр эх орон, ард түмнийхээ төлөө үүрэг гүйцэтгэж байгаа алба хаагчид минь миний бахархал.

Уг нийтлэлийн бүх текстүүдийг хуулах
Уг нийтлэлийн бүх зургийг татах

Бусад мэдээлэл

Сэлэнгэ, Эг, Зэлтгэр голын усны түвшин өмнөх өдрөөс 60-90 см нэмэгджээ

Маргааш буюу 7 дугаар сарын 25-нд Сэлэнгэ мөрөн Хялгант баг Зүүнбүрэн сум орчимд усны түвшин 40-55 см, Хэрлэн гол Багануур дүүрэг орчимд 10 см тус тус нэмэгдэх хандлагатай байна.

Өнөөдөр Төв аймгийн зүүн хэсэг, Дорноговь аймгийн хойд, Хэнтий аймгийн нутгаар их хэмжээний бороо орно

Өнөөдөр буюу 7-р сарын 24-ний өдөр Төв аймгийн зүүн хэсэг, Дорноговь аймгийн хойд, Хэнтий аймгийн нутгаар их хэмжээний бороо орно.

Аюулт үзэгдэл ослын нөхцөл байдлын мэдээ

Дундговь аймаг, Сайнцагаан сум.Боржигон, Нарлаг багт 07.23-ны өдрийн 20:20-21:00 цагийн хооронд дуу цахилгаантай, аадар бороо орсны улмаас албан байгууллага, орон сууц, автомашин усанд автсан тухай дуудлагыг 20:32 цагт хүлээн авсан.